Еуропалық клубтар мен әлемдік брендтер қазақ футболының дамуына септігін тигізеді

Red Bull жаһандық спорт бренді, автоспорт, велоспорт, сноуборд, мотоспорт, киберспорт, футбол және басқа да түрлердегі көптеген жарыстардың демеушісі және ұйымдастырушысы ретінде кеңінен танымал. 

 

Компания Формула-1-дегі «Red Bull Racing» және «Alpha Tauri» командаларының, «Нью-Йорк Ред Буллз», «РБ Лейпциг», «Ред Булл Зальцбург» және «Ред Булл Брагантино» футбол клубтарының иесі болып табылады. Сондай-ақ аэробатика бойынша «Red Bull Air Race World Series» чемпионатының және қолдан жасалған «Red Bull Flugtag» ұшу аппараттары чемпионатының ұйымдастырушысы болып табылады.

 

«Біздің Лига жаһандық және әлемдік атаққа ие жаңа серіктестерді тартуды мақсат етіп қояды. Бұған дейін біз Mastercard сияқты серіктеспен келісімге қол қойдық. УЕФА Чемпиондар лигасының демеушісі болып табылатын компания, енді жасөспірімдер футболына да назар аударды. Енді біз Red Bull-мен серіктестік туралы мақтанышпен жариялаймыз. Осындай үлкен брендтердің Қазақстанда жасөспірімдер футболын дамытуға көңіл бөліп отырғаны қуантады. 

 

Біз жастар үшін жаңа мүмкіндіктер ашамыз. QJ League - бұл жай ғана жоба емес, Қазақстанда және әлемде танымал Лига. QJ League - бұл жай ғана футбол емес, ол тек резервті дайындау және балалар мен кәсіби футбол арасында көпір құру ғана емес. Бұл медиа және маркетинг, футбол аналитикасы, жаттықтырушы және әкімшілік кадрлар саласындағы мамандар үшін жұмыс орындарын құру және дамыту», – деп мәлімдеді Freedom QJ League президенті Рохус Шох.

 

«Red Bull – бұл бүкіл әлемде спортты және салауатты өмір салтын дамыту және танымал ету үшін көп нәрсе жасайтын жаһандық спорт бренді екенін түсіну маңызды. 

 

Қазір біз осындай компанияны серіктестеріміздің, достарымыздың қатарына тарту бойынша үлкен қадам жасаудамыз. Біз Red Bull-мен өзара іс-қимыл жасай алатын бірқатар бағыттарды белгіледік. Келісімнің маңызды бөлігі – қазақстандық мамандар мен футболшылардың біліктілігін арттыру, Германия мен Австриядағы әріптестермен тәжірибе алмасу.

 

Жоспарда Red Bull құрылымындағы жасөспірімдер командаларымен жолдастық матчтар өткізу және тіпті бірлескен турнирлер өткізу де бар. Осының бәрі QJ League-да өнер көрсететін біздің жас таланттарымыздың дамуына оң әсерін тигізеді.

 

Біздің тарапымыздан Red Bull спорттық және футбол бастамаларына қолдау көрсетіледі. Жақында біз Red Bull Four To Score жобасына қатысамыз – бұл Шымкентте өтетін көше футболынан турнир. Алдағы уақытта осындай жобалар көп болатынына сенімдімін», – деп бөлісті Лиганың қамқоршылық кеңесінің төрағасы және Freedom Holding corp. басшысы Тимур Турлов.