Fantasy QJ League: «Ақтөбенің» керемет ойыны – 17-турдағы жеңістің кілті

Еске сала кетейік, әр ойын уик-эндінің қорытындысы бойынша Fantasy QJ League-тегі үздік құрам иелері COPA.KZ ұсынған 20 000 теңгелік сертификатқа ие болады. Бұл жолы ең нәтижелі ростерді маусым көшбасшыларының бірі – V26 қолданушысы жинады.



Шешуші қадамдардың бірі – құрамға «Ақтөбе» жартылай қорғаушысы Ибрахим Бауыржановты қосу болды. Ол маусымдағы ең үздік ойынын өткізіп, дубль жасап, үш нәтижелі пас берді.

Нәтижесінде Fantasy QJ League-де 20 ұпай жинады. Жалғыз минус – сары қағаз үшін бір ұпайдың шегерілуі.

Сонымен қатар V26 өз құрамының капитаны ретінде «Қайрат» шабуылшысы Дәулет Орынбасарды таңдады. Бұл шешім де сәтті болды: алдыңғы турға қатыспағанына қарамастан, ол алаңға шығып, екі гол соғып, бір нәтижелі пас берді. Капитандық коэффициентті есептегенде бұл – 26 ұпай.

Сондай-ақ ростерге Аян Аманжуловтың («Ақтөбе») және Альфир Ханафидің («Қайрат») қосылуы маңызды рөл атқарды – екеуі де 12 ұпайдан жинады.

17-турға жасанды интеллект таңдаған құрам уик-энд қорытындысы бойынша 66 ұпай жинады.

Ең сәтсіз шешімдердің бірі – «Ертіс» ойыншысы Алдияр Смағұловты тек қосалқы құрамға қалдыру болды. Жартылай қорғаушы 18 ұпай жинады, алайда автоматты ауыстыру іске қосылмады – турда негізгі құрамдағы барлық алаң ойыншылары матчтарға қатысты.

Маусым көшін Plescavica_Team (1245) бастап тұр, екінші орында – olegforwards (1231), ал үздік үштікті V26 (1230) түйіндейді.

Маусым жеңімпазы iPhone 17 алады, ал екінші және үшінші орын иелеріне тиісінше PlayStation 5 және Apple Watch табысталады.

Бұған дейін жарысқа қатыспағандар да дәл қазір қосылып, әр апта сайын COPA.KZ сертификаты үшін таласа алады. Сондай-ақ фэнтези-турнирдің Telegram-дағы жеке чаты бар – онда жаңадан қосылған қатысушыларға көмектесуге дайын 300-ден астам адам бар.

Fantasy QJ League: құрамды жинап үлгеріңіз!