Freedom QJ League пен Freedom Bank жас футболшыларды қолдауға арналған арнайы бағдарламаны іске қосуда

Келесі маусымнан бастап Лигадағы 2 000-нан астам ойыншы Freedom Bank-тің эксклюзивті футболдық дизайны бар карталарын ала алады: Student Card (14–17 жас аралығы үшін) және Super Card (18 жастан бастап).

Лига матчтарында алаңда өткізілген әрбір минут үшін картаның иелері Freedom инвестициялық валютасында 75 теңге бонус алады. Бұл қаражатты кәдімгі ақша секілді жұмсауға болады: сатып алуларға, аударымдарға, байланысқа төлеуге және басқа да қажеттіліктерге.

Бағдарламаның сынақтық іске қосылуы 2025 жылдың күзіне жоспарланған. Оған «Астана» ФК-ның 2008–2009 жылы туған футболшылары қатысады. Арнайы жиында Freedom Bank өкілдері бағдарлама қалай жұмыс істейтінін жігіттерге кеңінен түсіндіріп берді.

Сонымен қатар, 2025 жылғы маусым қорытындысы бойынша Freedom QJ League барлық жас санаттарында «үздік қақпашы», «үздік қорғаушы», «үздік жартылай қорғаушы» және «үздік шабуылшы» атанған ойыншылар Freedom Bank-тен Freedom инвестициялық валютасында 200 000 теңгеден алады.

Бұл – қазақстандық спорттағы алғашқы осындай жоба. Қаржылай қолдаудан бөлек, футболшыларға қаржылық сауаттылық бойынша дәрістер де өткізіледі. Бұл – болашақ кәсіби спортшылар үшін өте маңызды дағды.