Глеб Макридов – 2025 жылғы Бахтияр Зайнутдинов премиясының иегері!

Ол QJL Awards салтанатында марапатталды. Глеб осы маусымда Freedom QJL-де 19 матчта 19 гол соқты, бомбардирлер тізімінде Дәулет Орынбасарға жету үшін бір ғана гол жетіспей қалды. Сонымен қатар, ол 10 нәтижелі пас берді.

Тоғызыншы турдағы «Қайсар» командасына қарсы ойында 2 гол соғып, 2 нәтижелі пас берді, жиырмасыншы турдағы қайта кездесуде хет-трик және 1 паспен ерекшеленді. Сонымен қатар Глеб Макридов Лига тарихында минут бойынша ең көп ойнаған ойыншы - 4502 және ең нәтижелі әрекеттер саны (39) бойынша рекорд орнатты – ол «Қайрат» командасында өнер көрсетіп жүрген Дастан Сәтпаевты озып шықты. Карағанды командасы қола медаль алғандағы Глеб Макридовтың еңбегі зор.

2023 жылы MVP атағын «Тараз» командасының ойыншысы Димаш Серікұлы иеленсе, өткен маусымда оны «Қайрат» футбол клубынан Дастан Сәтпаев алды.

Freedom QJ League пен Astana Motors құрамына кіретін Changan брендінің Қазақстандағы ресми дистрибьюторы – Changan Kazakhstan арасындағы әріптестіктің арқасында биыл марапат иегері шетелдік клубта қаралымнан өтуге арналған грантқа ие болады.