Асхат Тағыберген атындағы марапатты ұсынамыз!

Қызылорда футбол мектебінің түлегі Асхат кәсіби мансабын 18 жасында «Қайсар» сапында бастаған. Кейін «Ақтөбе», «Астана», «Ордабасы», «Тобыл», және туған клубы «Қайсар» сапында өнер көрсетіп, ел чемпионаттарында бірнеше рет жеңіс тұғырына көтерілді.

Ол – шеберлік пен көшбасшылықтың үлгісі, сонымен қатар алыс қашықтықтан бағытталған қуатты соққыларымен танымал ойыншы.
2023 жылдың 26 наурызында Асхат Тағыберген Дания қақпасына алыстан соққан керемет добымен тарихқа енді — бұл гол FIFA Puskás Award жүлдесіне ұсынылды және бүкіл әлем көрерменін таңғалдырды.

Асхат Тағыбергеннің есімі – шеберлік пен шабыттың, қазақ футболының мақтанышының нышаны.