Маусымаралық кезең – өзгерістер, үміттер және жаңа сынақтар уақыты. QJ League түлектері үшін бұл олардың ересек футбол жолындағы алғашқы қадамы болды. Лигадағы қызу бәсекеде өз таланттарын көрсеткен жас жұлдыздар енді жаңа деңгейде жарқырауға дайын
Freedom QJ League жас таланттарды ересек мансап жолындағы алғашқы қадамдарымен таңғалдыруды жалғастыруда. Маусымаралық кезең – қорытындылар шығарып, статистикаға көз жүгіртуге және Лига түлектерінің тағдыры қалай өрбігенін білуге тамаша уақыт. Кім негізгі командаларда өзіне мүмкіндік алды? Кім шетелде жарқырады? Ал кім жастар құрамының көшбасшысы атанды? Осы маусымаралық шолуда біз Қазақстан футболының жас жұлдыздарының бүгінгі жағдайы мен болашағы туралы негізгі сәттер мен көрсеткіштерді жинадық.
Қайрат
Ильдар Мендығалиев QJ League-ның алғашқы маусымын керемет сейвтерімен безендірген болатын, қазір ол негізгі құрамдағы орынға сенімді түрде қадам басуда. Өткен маусымда ол QJ League-да 1 матч ойнап, маусымның көп бөлігін Қайрат-Жастар құрамында өткізді. Оның командаласы Данила Буч U17 құрамында 15 матч өткізіп, олардың 5-ін «құрғақ» аяқтады. Қайраттың U18 командасының тағы бір қақпашысы Шерхан Қалмұрза маусымды 17 матчпен аяқтап, 4 ойында қақпасына гол өткізбеді.
Дастан Сатпаев, көшбасшы және ерекше талант иесі, Лиганың екінші маусымының MVP ойыншысы атанды. Ол 12 матч өткізіп, 19 гол соғып, 7 нәтижелі пас берді. Дастан клуб тарихындағы ең жас дебютант атанып, Лондонның Челси клубында қаралымнан өтті. Сөзге сенсек, оның трансфері келесі аптада жүзеге асуы мүмкін.
Рамазан Бағдат феноменалды нәтижелілік көрсетті: 8 матчта 8 гол соқты. Маусымның негізгі бөлігін Қайрат-Жастар сапында өткізді. Оның еңбегі оған Бірінші Лиганың маусымдағы ең үздік жас ойыншысы атағын әкелді.
Исмаил Бекболат, Қайрат-Жастарға көшкен жетекші ойыншылардың орнына, U18 құрамының басты ойыншысы атанды. Ол 19 матч өткізіп, 16 гол соғып, 7 нәтижелі пас берді.
Ордабасы
Бақдәулет Нұралы өткен маусымның нағыз феномені атанды. 22 матчта 22 гол соғып, орта есеппен әр ойында 1 голдан нәтиже көрсетті. Оның бұл көрсеткіштері назардан тыс қалмай, ол негізгі құрамға шақырту алды.
Тимур Рахимов, жасына қарамастан, өз мүмкіндіктерін сенімді түрде көрсетуде: 18 матчта 5 гол соғып, 2 нәтижелі пас берді. Ол U17 құрамының үздік ойыншыларының бірі атанды.
Жасұлан Әмір әмбебаптығын көрсетіп, сол жақ қорғаушыдан тірек жартылай қорғаушы позициясына ауысты. Ол 20 матч өткізіп, 6 гол соғып, 4 нәтижелі пас берді. Оның ойыны Ордабасының күміс медаль алуына шешуші рөл атқарды.
Шахтер
Роман Асылбаев маусымның үздік жартылай қорғаушысы атанып, 20 матчта 10 гол соғып, 8 нәтижелі пас берді. Роман команда қозғалтқышы ғана емес, оның табысының негізгі элементіне айналды.
Ақтөбе
Саятхан Құсайынов өз деңгейінің жоғары екенін тағы бір мәрте дәлелдеді: ол 15 матчта 77 сейв жасап, олардың 2-ін «құрғақ» аяқтады. Қақпашы соққыларды қайтарудың жоғары пайызын көрсетіп, сенімді ойынымен танылды.
Мирам Кикбаев QJ League-де 4 матчта 2 гол соғып, Лига Кубогында негізгі құрам сапында дебют жасап үлгерді. Ол жерде де сенімді ойын көрсетті. Маусымның негізгі бөлігін Ақтөбе-Жас құрамында өткізді.
Қайсар
Дінмұхаммед Рүстемұлы 6 матчта ойнап, 2 гол соқты, оның бірі «Жыл голы» атағына ұсынылды. Маусымның көп бөлігін дубль құрамында өткізгеніне қарамастан, Дінмұхаммед клубтың жоспарындағы маңызды ойыншы болып қалып отыр және негізгі құрамға шақырту алды.
Тобыл
Аманжол Бақытжанов, U18 құрамының капитаны, көшбасшылықтың үлгісі болды. Ол QJ League-де 6 матч өткізіп, 2 нәтижелі пас берді. Маусымның көп бөлігін дубль құрамында өткізген Аманжол өз шеберлігін шыңдап, командаға көмектесуді жалғастырды. Нәтижесінде, ол негізгі құрамға шақырту алды.
QJ League нағыз таланттарды ашу алаңы екенін тағы бір мәрте дәлелдеді. Олардың жетістіктері – Қазақстан футболының жарқын болашағына деген үміт.