QJL Awards: Team of the Year

Қақпашы

Мадияр Төлеубек («Иртыш»)

Мадияр Толеубек маусым барысында 18 матч өткізді, оның бесеуінде өз қақпасын голдан аман сақтады. Ол 31 гол жіберіп алып, 77 сейв жасады.

Қорғаушылар

Әкежан Каликулов («Қайрат»)

Әкежан Каликулов 12 матчта ойнап, бір гол соғып және үш нәтижелі пас берді. Сонымен қатар ол 429 пастың 325-ін дәл орындап (76% дәлдікпен), 298 допқа таластың 172-ін (58%) жеңіп шықты. 125 рет допты ұтып алды және 39 рет тартып алды.

Василий Леонтьев («Шахтёр»)

Василий Леонтьев осы маусымда 20 матч өткізіп, әр ойынды бастапқы құрамда бастады. Оның еншісінде – 261 рет допты іріктеу мен қағып алу және 136 тосқауыл іс-қимыл. Сондай-ақ ол допқа таластың 52%-ын (354-тен 184) жеңіп, 756 пастың 594-ін дәл орындады (79%). Сонымен қатар үш гол соқты.

Санат Нұрболат («Қайрат»)

Санат Нұрболат осы маусымда өткізген 15 матчтың қорытындысы бойынша 140 рет допты іріктеді және қағып алды, 175 допқа таластың 106-сында жеңіп шықты (61% тиімділік) және 543 пастың 397-сін дәл орындады (73%). Сондай-ақ үш гол соғып, үш нәтижелі пас берді.

Жартылай қорғаушылар

Даниял Назаров («Астана»)

Даниял Назаров маусымдағы 22 матчтың барлығына қатысты. Ол 1094 пастың 842-сін дәл жеткізді (77%), 229 допқа таластың 121-інде жеңіп, 216 рет допты іріктеу мен қағып алу жасап, 106 рет тосқауыл іс-қимыл жасады.

Алиден Мусаипов («Қайрат»)

Алиден Мусаипов 18 матчта ойнап, төрт гол соғып, бір нәтижелі пас берді. Сондай-ақ оның еншісінде – 880 пастың 717-сі дәл (81%) және 238 допқа таластың 142-інде жеңіс (60%). Бұл оның QJ League-дегі екінші маусымы – өткен жылы Алиден «Қайрат» құрамында қатарынан екі турнирде (U18 және U17) чемпион атанған болатын.

Руслан Рахметов («Иртыш»)

Руслан Рахметов 18 матчта 11 гол соғып, үш нәтижелі пас берді. Оның ішінде бірінші турдағы «Ақтөбе» матчында хет-трик және екі қолға алып келген пас тіркелді. Сондай-ақ оның еншісінде 74 іріктеу мен қағып алу, 25 тосқауыл іс-қимыл, 346 пастың 230-ы дәл (66%) және 405 допқа таластың 173-і жеңіспен аяқталған (43%).

Жанәлі Есеналиев («Ордабасы»)

Жанәлі Есеналиев маусымда 18 матч өткізіп, 11 гол соғып, 8 нәтижелі пас берді. Оның еншісінде – 105 рет допты іріктеу мен қағып алу және 42 тосқауыл іс-қимыл. Жанәлі үшін ең нәтижелі матч – 15-ші турдағы «Ақтөбе» футбол командасына қарсы ойын болды: ол 72 минутта хет-трик жасап, екі рет голға алып келген пас берді.

Шабуылшылар

Абылай Төлеухан («Қайрат»)

Абылай Төлеухан 14 матчта 16 гол соғып, тоғыз нәтижелі пас берді. Ол үшін ең сәтті ойындар – «Ордабасы» командасына қарсы (7-ші тур, хет-трик), «Атырау» футбол клубына (3-ші тур, 2 гол және 1 голға алып келген пас, алаңда 34 минут), «Ақтөбе» ойыншыларына қарсы (10-шы тур, үш нәтижелі пас) және «Шахтёр» командасына қарсы (15-ші тур, 2 гол және 1 нәтижелі пас) матчтар болды.

Бұған дейін ол «Қайрат» сапында қатарынан екі турнирдің (U18 және U17) жеңімпазы атанған.

Глеб Макридов («Шахтёр»)

Глеб Макридов Freedom QJ League-дегі үшінші маусымында 19 матчта 19 гол соғып, турнирдің үздік бомбардирі Дәулет Орынбасардан бір голға ғана қалып қойды. Сонымен қатар оның еншісінде 10 нәтижелі пас бар. Ең жарқын ойындары – «Қайсар» командасына қарсы кездесулер: 9-шы турда ол 2 гол соқты және 2 нәтижелі пас берді, 20-шы турдағы жауапты матчта хет-трик жасап, бір нәтижелі пас берді.

Сонымен қатар Глеб Макридов лига тарихындағы жаңа рекорд орнатты - ойын уақыты бойынша (4 502 минут) және нәтижелі әрекеттер саны бойынша (39), бұл көрсеткіш бойынша ол «Қайрат» футбол клубының ойыншысы Дастан Сәтпаевтан озып кетті.

«Шахтёр» шабуылшысының әсерлі ойыны қарағандылықтардың көптен күткен қола медаль алуына маңызды үлес қосты.

Ален Пак («Астана»)

Ален Пак осы маусымда 18 матч өткізіп, 16 гол соғып, үш нәтижелі пас берді. Оның еншісінде екі хет-трик бар – біріншісі «Иртыш» командасына қарсы ойында болса (17-ші тур), екіншісі «Тобол» футбол клубына қарсы (20-шы тур) қарсы кездесуде болды. Маусым қорытындысы бойынша «Астана» күміс жүлдеге ие болды.