Freedom QJ League үшінші маусымының жабылу салтанаты өтті

Шараға командалардың ойыншылары мен бапкерлері, сондай-ақ лига мен клубтардың басшылары мен қызметкерлері қатысты.

Оқиға тікелей эфирде Freedom Media платформасында көрсетілді. Қазіргі таңда онлайн-кинотеатрда алғашқы 90 күнге тек 5 теңгеге жазылу мүмкіндігі бар– оны Freedom SuperApp арқылы рәсімдеуге болады.

Кештің безендірілуі «Формула-1»  эстетикасымен жасалды, жүргізушілері ретінде Евгений Ожогин мен Лунара Есен қызмет атқарды. Іс-шараны ашқандардың қатарында: Қазақстан футбол федерациясының бас хатшы Давид Лория, Freedom Holding Corp. атқарушы директоры Тимур Турлов және Freedom QJ League президенті Рохус Шох.

«Қазақстанда футболды жүйелі түрде дамытып, қолдау көрсетіп келе жатқан Freedom Holding Corp. компаниясына шын жүректен алғыс айтамын. Үш жыл қатарынан жүзеге асып келе жатқан Freedom QJ League жобасы еліміздің түкпір-түкпіріндегі жас спортшылардың өсуіне, жетілуіне және өз болашағына сенуіне жол ашып отыр. Мұндай бастамалар — ертеңгі мықты әрі кәсіби футболдың негізі», – баса айтты Давид Лория.

«Үш жыл бұрын QJ League – әрбір талантты бала Қазақстанда футбол ойнай алсын, дамысын, оған сенсін деген арман ретінде болатын. Онда бері көп уақыт өтпесе де, бұл уақыт бізге жеткілікті болды. Кез келген арманды орындауға болады. Қазіргі таңда лигада 54 команда, 1500 астам ойыншы, бес турнир, оның ішінде Қазақстан тарихындағы алғаш қыздар маусымы. 542 матч, ондаған қалалар, мыңдаған жанкүйерлер, бәрі бір маусымда. Бүгін лига ұйымдастыру жағынан, ойын деңгейі жағынан, жаттықтырушылар мен ойыншыларды күшейтетін технологиялар жағынан әлдеқайда мықтырақ. Бірақ ең қымбаты – лиганы мәнімен толтыратын адамдар. Бұл жобаның түпкі мақсаты – сіздердің шынайы эмоцияларыңыз. QJ лигаға сенетін, оны Қазақстан футболының маңызды бөлігі етіп жүрген әрбір жанға рақмет. Жобаның командасына және жеке-дара Рохус Шохқа алғыс білдіремін. Мерекелеріңізбен, достар! Алға, QJ!» – деді Тимур Турлов.

«Мен Қазақстан жастарына шын жүректен сенемін – алаңға шығатын әрбір ұл мен қызға. Олардың энергиясы, талпынысы, жанкештілігі – жобаның қозғаушы күші. Біз елдің түкпір-түкпірінен келген балалардың жүйелі түрде жаттығып, турнирлерге қатысып, назар аударта бастағанын көріп отырмыз», – деді Рохус Шох.

Турнирдің чемпионы атағын үшінші жыл қатарынан Алматы қаласының «Қайрат» клубының тәрбиеленушілері жеңіп алды. Жабылу рәсімінде жасөспірімдер кубокты жоғары көтеріп, өздерінің қуанышын білдірді. Бұл марапат олардың клубында мәңгілікке қалады. Сонымен қатар, ұлттық чемпион ретінде «Қайрат» командасы қайтадан Қазақстан атынан «UEFA жасөспірімдер лигасы» турниріне қатысады.

Кеш барысында көрермендерге Freedom QJ League гимні ұсынылды. Классикалық және заманауи стильдерді, сонымен қатар ұлттық элементтерді үйлестірген салтанатты композиция лиганың фирмалық стилінің маңызды әрі ажырамас бөлігі болуға тиіс.

Лиганның маусым жеңімпаздарын 18 номинация бойынша жариялады.

Changan MVP of the Season – Глеб Макридов («Шахтёр»)

Бахтияр Зайнутдинов атына арналған сыйлық – маусымның ең бағалы ойыншысы. Freedom QJ League пен Astana Motors құрамына кіретін Changan брендінің Қазақстандағы ресми дистрибьюторы – Changan Kazakhstan арасындағы әріптестіктің арқасында биыл марапат иегері шетелдік клубта қаралымнан өтуге арналған грантқа ие болады.

Жыл перформансы – Мақсат Абраев («Астана»)

Эдуард Сон атындағы сыйлық – маусымның үздік шабуылшысы: Абылай Төлеухан («Қайрат»)

Евгений Яровенко атындағы сыйлық – үздік қорғаушы: Әкежан Каликулов («Қайрат»)

Антон Шох атындағы сыйлық – үздік жартылай қорғаушы: Даниял Назаров («Астана»)

Александр Убыкин атындағы сыйлық – үздік қақпашы: Мадияр Төлеубек («Ертіс»)

Евстафий Пехлеваниди атындағы сыйлық – үздік бомбардир: Дәулет Орынбасар («Қайрат»)

Георгий Хутиди атындағы сыйлық – үздік бапкер: Игорь Солошенко («Шахтёр» U17)

Асхат Тағыберген атындағы сыйлық – маусымның үздік голы: Аружан Оспанова («Ертіс» W)

Игорь Шацкий атындағы сыйлық – үздік сейв: Махмуджан Сунгатуллин («Жас Қыран» U18)

Александр Кулаков атындағы сыйлық – үздік төреші: Даниил Полянский (Көкшетау)

Үздік инспектор – Анатолий Ходин (Атырау)

Диас Омаров атындағы сыйлық – үздік медиа-қызмет: «Атырау»

Сеильды Байшаков атындағы сыйлық – үздік маркетинг: «Тараз»

Евгений Ротт атындағы сыйлық – үздік басшы: Кирилл Кекер («Қайрат»)

Үздік менеджер – Виктор Кашарин («Тобол»)

Үздік дәрігер – Алишер Артиков («Ордабасы»)

Үздік психолог – Дана Кульманова («Актөбе»)

Номинациялар ойыншылар, бапкерлер, сарапшылар мен лига мамандары арасында дауыс беру арқылы таңдалды.

Сонымен қатар, салтанат барысында маусымның символдық құрамасы жарияланды. Оған төмендегі футболшылар кірді:

Қақпашы: Мадияр Төлеубек («Ертіс»)

Қорғаушылар: Әкежан Каликулов («Қайрат»), Василий Леонтьев («Шахтёр»), Санат Нурболат («Қайрат»)

Жартылай қорғаушылар: Даниял Назаров («Астана»), Алиден Мусаипов («Қайрат»), Руслан Рахметов («Ертіс»), Жанәлі Есеналиев («Ордабасы»)

Шабуылшылар: Абылай Төлеухан («Қайрат»), Глеб Макридов («Шахтёр»), Ален Пак («Астана»)

Кештің тағы бір жарқын сәті – қайырымдылық аукционы. Сауда нысаны ретінде мадридтік «Реал» клубының шабуылшысы Килиан Мбаппенің жеңіл жейдесі болды. Аукцион жеңімпазы – «Қайрат» футбол клубының Бақылау кеңесінің төрағасы Қайрат Боранбаев атанды. Оның ұсынған бағасы 3 миллион теңгені құрады.

Аукционнан түскен қаражат қайырымдылыққа бағытталатын болады.