Дәстүрді жалғастыра отырып: Changan Балалар турының қаһармандарымен танысу

Бір жыл бұрын Лига алғаш рет Changan Балалар турын – Astana Motors компаниялар тобына кіретін премиум-серіктеспен бірлескен жобаны өткізді. Қазақстандық балалар комментатордан бастап жаттықтырушыға дейін түрлі рөлдерді байқап көруге мүмкіндік алды.

Бастама балалардың өзіне де, көрермендерге де ұнады – сондықтан оны жыл сайынғы дәстүрге айналдыру туралы шешім қабылданды. Алғашқы Changan Балалар туры Мұғалімдер күніне орайластырылса, биыл ол Білім күні қарсаңында өтті.

Еліміздің әр өңірінен келген балалар Лиганың бірнеше турнирінің матчтарында, соның ішінде басты чемпионат пен қыздар біріншілігінде жұмыс істеді. Балалар ұмытылмас әсер алды.

Мәселен, Алматыда Аяла Мырзан «Қайсар» өкілдерінен: жаттықтырушы Ислам Рахметов пен қорғаушы Мейіржан Мирамбековтен флеш-сұхбат алды.



Алан Қуатов матч фотографы рөлін атқарды.



Қыздар турнирінде «Қайсар» футболшылары «Астанаға» қонаққа барды – ал жас Әмір Әбіш төреші ассистенті рөлін атқарды.



Қарағандыда жасөспірімдер чемпионатында дәл осы міндетті Әлімхан Үкібаев атқарды.



Тараздық жас өрендер Әлижан Бәбішев пен Самир Қайрат электронды таблоны бірге ұстап тұрды.



Елорда клубының жасөспірімдері «Жас Қыранмен» тең түсті – ойын алдында Аймира Жасұланқызы Амандық Хамидуллинге өткен турдың үздік голы үшін жүлдені табыстап, матчтан кейін медиа-офицер рөлін атқарды.



Ақтөбелік Айгерім Нарманова мен Алана Машиева да сүйікті клубының ойыншыларын марапаттауға қатысты.



Павлодарда матчтан кейінгі сұхбаттарды Ерназар Даниярұлы алды.



Ал Шымкентте – Заңғар Оразәлі.



Нұрдәулет Құрбанәлі «Ордабасы» матчының басты сәттерін фотокамераға түсірді.



Роберт Протасов «Шахтер» клубының үй матчын түсіруге көмектесті.



Ақтауда Нұрдана Бабат мобилограф рөлін атқарды.



Ал Мейрамбек Абдулла матчтан кейінгі сұхбаттарды өз мойнына алды.



Ділмұхамед Бахтияр бір турға «Ертістің» мобилографы болды.



Дінмұхаммед Ерболатов Қызылордадағы ойында диктор рөлін байқап көрді.



Ойыншылардан сұхбатты Әли Байрақ алды.



Даниил Хохлов пен Абай Аширов Changan Балалар турын трансляция көрермендерімен бірге – комментатор ретінде өткізді.



Қарағандыда төреші ассистенті рөлін Артур Кушнеров атқарды.