Клуб туралы
«Қайрат» (Алматы) – Қазақстан Республикасының ең үлкен қаласының намысын қорғайды. Тарихи бай, еліміздің жасы ең үлкен футбол клубы. 3-дүркін Қазақстан чемпионы, 10-дүркін Қазақстан Кубогының иегері, 2-дүркін Қазақстан Суперкубогының жеңімпазы, КСРО футбол Федерациясы Кубогының иегері. УЕФА Конференциялар Лигасының топтық кезеңінің қатысушысы. Елдегі ең атақты және жанкүйерлері көп клубтардың бірі. Ойындарды Алматы қаласының Орталық стадионында өткізеді, сыйымдылығы – 23 804 көрермен (жасөспірімдер командасы матчтарды Т.С. Сегізбаев атындағы академиясының стадионында өткізеді).
