QJ League
Freedom QJ League Қазақстандағы кәсіби футбол клубтарының жастар командалары арасында элиталық деңгейдегі жарыстарды өткізеді. QJ League жеңімпазы УЕФА жастар лигасында Қазақстан атынан қатысу құқығына ие болады.
ㅤㅤ2023 жылы шымылдырығын ашатын чемпионаттың алғашқы маусымына 2006 жылы туған (U-18 жас санаты) аяқ допшылардан құралған еліміздің ең мықты деген 12 командасы қатысып, өзара кім мықтыны анықтамақ. 2025 жылға қарай жоба республикамыздың барлық облыстарын қамтитын болады. Ол дегеніміз сол уақытта QJ League чемпионатында үш жас санаты бойынша екі лигаға дейін ұлғайып, аталмыш додада 22 клубтың жасөспірімдер командалары өнер көрсетеді. Сондай-ақ, 2025 жылы қыздар лигасын іске қосу жоспарда бар.
ㅤㅤFreedom QJ League ойындары апталық циклде өтеді. Ол дегеніміз қатысушы командалар өз алаңында және сырт алаңда матч өткізіп, екі айналымнан тұратын жарыстың куәсі атанады.
ㅤㅤЖарысты ұйымдастыруға және өткізуге арналған барлық негізгі шығындар, соның ішінде сырт алаңда матч өткізу үшін командалардың жол жүру шығынын, тамақтануын және жатын орнын қаржыландыру, төрешілер мен инспекцияларға ақы төлеу, сондай-ақ QJ League маркетингтік сүйемелдеуі жобаның бас серіктесі – Freedom Holding Corp компаниясының қаражаты есебінен жүзеге асырылатын болады.