«Қайрат» – «Тобыл»

Егер алматылық футболшы қыздар бұл матчта жеңіске жетсе, Лига турнирлері тарихында маусымдағы барлық кездесуді ұтып шыққан екінші команда атанады. Бұған дейін мұндай жетістікке тек өткен жылы «Оңтүстік» жасөспірімдер командасы қол жеткізген еді.

Ал «Тобылдың» маусым соңындағы нәтижелері онша емес – соңғы үш ойында екі тең ойын, бір жеңіліс. «Қайратқа» қарсы сенсациялық нәтиже Денис Сафронов шәкірттеріне чемпионатты жақсы нотаға аяқтауға мүмкіндік береді. Бұл қолдарынан келе ме?

«Ертіс» – «Ақтөбе»

Жүлделі үштік тағдыры көп жағдайда осы матчта шешіледі. Жеңіс павлодарлық командаға күміс медаль сыйлауы мүмкін (егер «Астана» сүрінсе), ал жеңіліс оларды мүлде жүлдеден тыс қалдырады. Керісінше, «Ақтөбе» ойыншылары жеңген жағдайда қола медальға ие болады.

Маңыздысы – осы екі команда арасындағы алғашқы кездесу «қызыл-ақтардың» минималды жеңісімен аяқталған еді. Демек, ұпай тең түскен жағдайда «Ертістің» гол айырмасы қаншалықты әсерлі болса да, көмектеспейді. Сондықтан бұл ойын соңғы турдың басты текетіресі болмақ.

«Ордабасы» – «Жетісу»

Шымкент командасы жүлделі үштікке ене алмайды. Бірақ турнир кестесінің тығыздығы соншалық, жеңіс оларға кей жағдайда төртінші орын әкелуі мүмкін, ал жеңіліс – соңғыдан бір орынға түсіреді.

Ал «Жетісудың» маусымдағы соңғы мүмкіндігі – осы ойында ұпай алу. Талдықорғандықтар осыны пайдалана ала ма?

«Шахтер» – «Астана»

Сергей Поленов командасы үшін жеңіс астаналықтарға қарсы ойында турнир кестесіндегі соңғыдан бір орынға көтерілудің жалғыз мүмкіндігі болуы ықтимал. Бірақ елордалық футболшы қыздар да беріспейді: тек «аутсайдерлерден» жеңіске жеткен жағдайда ғана оларға күміс медаль бұйырады.

Қызығы – биылғы маусымда «Шахтер» де, «Астана» да бірде-бір рет тең ойнаған жоқ. Бұл жолы да тең нәтиже болмайды дегенді білдіре ме?

№	Команда	О	ГА	Ұ
1	Жеңіс	2	+6	6
2	Жайық	2	+3	6
3	Жетісу	2	+3	4
4	Елімай	1	+1	3
5	Оқжетпес	2	0	3
6	Оңтүстік	2	-2	3
7	Атырау	2	-1	1
8	Хан-Тәңірі	1	-1	0
9	Алтай	2	-3	0
10	Қызылжар	2	-6	0

Алтай vs Жеңіс