Лиганың YouTube-арнасында осы маусымдағы ең жарқын жас қазақстандық футболшылардың бірі – Максат Абраевтың қалыптасу жолы туралы ролик жарық көрді.
2017 жылы кішкентай Мақсат «Астана» негізгі құрамының ойыншыларын алаңға бастап шыққан балалардың бірі болды – оған елордалық клубтың аңызы Марин Томасов бұйырды. Араға тоғыз жыл салып, Абраев Қазақстан чемпионатындағы алғашқы голын дәл сол бала күнгі кумирімен бір командада жүріп атап өтті.
Алайда ҚПЛ-да жарқырап көрінгенге дейін Абраев Freedom QJ League-те екі мазмұнды маусым өткізді. Барлық турнирде 39 матчта 26 гол мен 16 нәтижелі пас, Freedom Media Cyber Cup трофейі, QJL All Star құрамында мадридтік «Атлетиконың» қақпасына соққан гол және «Жыл перформансы» жүлдесі – оның Лигадағы ізі осындай.
«Астананың» талантты вингері жанкүйерлерді тағы немен таңғалдырады?
