Абдуллах Өтеген – Freedom QJ League U16 үздік қорғаушысы!

Ол маусымда 20 матч өткізіп, 260 рет допты тартып алу және іріктеу жасады. Сонымен қатар, Өтегеннің дәл пас көрсеткіші өте жоғары – 1049 берістің 794-і (76%) дәл адреске жетті. Жеке статистикасында 285 дуэльдің 190-ында (67%) жеңіске жетті, сондай-ақ бір гол соғып, бір нәтижелі пас берген.

Freedom Bank серіктестігі аясында Лиганың барлық турнирлеріндегі «ең пайдалы ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» атанған футболшылар 200 000 теңгеден алады.

«Эмоцияларым тыныш, бірақ өте жағымды. Бұл марапат – жасаған жұмысымның босқа кетпегенінің белгісі. Өзімнің тұрақтылығымды және командаға тигізген пайдамды дәлелдей алғаныма қуаныштымын.

Маусым жақсы өтті. Бұл – команда мен бапкерлер штабының еңбегі. Жігіттер әр ойында қолдау көрсетті, ал бапкерлер дұрыс нұсқау беріп, өз-өзіме сенімді болуға көмектесті. Соның арқасында мен өсе алдым және маңызды матчтарды сенімді ойнадым.

Лиганың деңгейінің қаншалықты тез өсіп жатқаны таңғалдырды: әр матч максималды концентрацияны талап етеді, жеңіл қарсылас жоқ.

Ең есте қалған сәт – «Тобылға» қарсы ойын. Соңғы минуттарда камбэк жасап, мінез көрсеттік. Атмосферасы, эмоциясы – бәрі ерекше болды. Осындай сәттер маусымды айрықша етеді.

Келесі маусымға мақсат – өсуін жалғастыру, сенімділікті арттыру және командаға жоғары нәтижелерге жетуге көмектесу. Призовые қаражатты дамытуға жұмсаймын: инвентарь, форма, қалпыма келу.

Жас ойыншыларға айтарым – уайымдамаңдар, қателесуден қорықпаңдар. Ең бастысы – тәртіп, командаластарға құрмет және еңбексүйгіштік. Бар күшіңді салсаң – нәтиже міндетті түрде болады», – деді ол сұхбатында.