Абылайхан Кенжадоев – Freedom QJ League U17 турнирінің үздік шабуылшысы!

Абылайхан маусым барысында 19 ойында 15 гол соғып, 10 голға пас берді. Ол қарсылас қақпасына 96 соққы жасап, олардың 45-і дәл қақпаға бағытталды. Ең жарқын ойыны XII турдағы «Қайсарға» қарсы матчта тіркелді — хет-трик және бір ассист.

Барлық турнирлердің «ең пайдалы ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» аталымдарының иегерлері Лиганың серіктесі Freedom Bank-тан 200 000 теңге көлемінде сыйақы алады.

«Турнирдің үздік шабуылшысы атану — мен үшін үлкен қуаныш әрі жауапкершілік. Бұл маусым бойғы еңбектің бағаланғанын көрсетеді. Бұл жеңіс келесі кезеңде одан да көп жұмыс істеуге жігерлендіреді.

Маусым оңай болған жоқ, бірақ маған өте маңызды тәжірибе берді. Чемпионаттағы екінші орын — бүкіл команданың үлкен еңбегінің нәтижесі. Әрине, бірінші орынды қаладық, бірақ команда ретінде алға үлкен қадам жасадық.

Мен үшін ең үлкен жаңалық — команданың жылдам прогресі және қиын ойындарда көрсетуге тиіс болған мінезіміз. Ең есте қалған сәттер — тағдыры соңына дейін шешілмеген шиеленісті матчтар. Осындай ойындар эмоцияны, жауапкершілікті және ерік-жігерді көрсетеді.

Келесі маусымдағы басты мақсатым — ойын деңгейін көтеру және чемпион атану. Тұрақтылықты және шешім қабылдау сапасын жақсартқым келеді.

Жүлде ақшасына спорттық керек-жарақ аламын, қалғанын ата-анама беремін.

Келесі жылы Лигада дебют жасайтын жігіттерге айтарым — ең бастысы, қорықпаңдар. Лига — өзіңді көрсететін керемет мүмкіндік. Еңбек етіңдер, жаттықтырушыларды тыңдаңдар, команданы құрметтеңдер. Әр матч — жаңа тәжірибе. Барлықтарына батылдық, сенім және үлкен прогресс тілеймін», — деді ол лиганың ресми сайтына берген сұхбатында.