Әлижан Зару – Freedom QJ League U16-ның үздік шабуылшысы!

Ол маусымда 16 матч өткізіп, 13 гол соқты және 3 нәтижелі пас берді. Қарсылас қақпасына 42 соққы бағыттап, оның 22-і дәл қақпаға тиген. Әлижан маусымның соңғы бөлігімен ерекше көзге түсті – соңғы үш турда үш дубль жасап, жарқын ойын көрсетті.

Freedom Bank серіктестігі аясында Лиганың барлық турнирлерінде «ең пайдалы ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» атанған футболшылар 200 000 теңгеден алады.

«Номинацияда жеңіске жеткеніме өте қуаныштымын. Биылғы маусым біз үшін де, менің өзім үшін де ауыр болды, бірақ табысты өтті.

Келесі маусымға үлкен мақсаттар қойдым. Өзімді одан да жақсы жағынан көрсеткім келеді. Биыл бәріміздің медиа тұрғысынан да үлкен өсім жасағанымыз қатты таңғалдырды.

Маған ең есте қалған сәт – «Атырауға» қарсы матч. Сол ойында біз мерзімінен бұрын чемпион атандық және мен екі гол соқтым.

Ақшаның бір бөлігін ата-анама бергім келеді, қалғанын өзіме жұмсаймын.

Лигаға алғаш қосылатын жігіттерге сәттілік тілеймін. Ешқашан берілмеңдер және өздеріңді медиа бағытында да дамытуға тырысыңдар», – деді ол сұхбатында.