Мәре сызығына жақындаған сәт: Freedom QJ League 21-турына шолу

«Тараз» – «Қайсар»: оңтүстіктің дербиі

Алаң иелері маусымды турнирлік кестенің жоғарғы жартысында аяқтауға үміттеніп отыр – еске салайық, қазіргі таңда «Тараз» жетінші орында, «Ертістен» төрт ұпайға қалып келеді. Соған қарамастан, Асқар Күшікбаев шәкірттері соңғы үш ойында қатарынан жеңіске жетті. «Қасқырлар» осы жеңісті серияны тоқтата ала ма?

«Жас Қыран» – «Ертіс»: павлодарлықтар медаль үшін күресті жалғастыра ма?

Павлодар командасын ауыр сынақ күтіп тұр – күміске басты үміткердің бірімен ойын. Егер қонақтар жеңіске жетсе, белгілі бір жағдайларда жүлделі үштікке кіруге мүмкіндік алады.

«Жас Қыран» да, «Ертіс» те соңғы бес ойында тұрақсыз нәтиже көрсетуде – екі жеңіс, екі жеңіліс және бір тең ойын. Сондықтан бұл кездесудің нәтижесін болжау оңай болмайын деп тұр.

«Ақтөбе» – «Қайрат»: ұпай үшін емес, идея үшін ойын

Енді «Ақтөбе» де, «Қайрат» та турнир кестесіндегі орнын өзгерте алмайды – «ақ-қызылдар» маусымды сегізінші орында аяқтайды, алматылықтар болса, еске салайық, Лиганың үш дүркін чемпионы атанды. Алайда бұл екі клубтың арасындағы принципиалды қарсыластық ешқайда кеткен жоқ: қонақтар маусымды жеңіліссіз аяқтағысы келсе, алаң иелері оларға мүмкіндік бермеуге барын салады.

«Ордабасы» – «Астана»: жүлделі үштіктің тағдыры

Бұл турдың орталық ойыны шешуші демалыс күндеріне дейін «Астана» жүлделі үштікте қала ма, әлде қуып жетушілер қатарына ауыса ма – соны анықтайды. Еске салайық, бірінші айналымдағы кездесуде жеңіс шымкенттіктердің еншісінде болған, бірақ оңайлықпен келген жоқ. Осы жолы оңтүстіктер тағы да сол жетістікті қайталай ала ма?

«Атырау» – «Каспий»: ақтаулықтар соңғы орынды тастай ма?

Жексенбі күні «мұнайшылар» бірінші айналымдағы жеңіліс үшін реванш алуға тырысады. Ал маңғыстаулықтар үшін бұл матч та маусым соңына дейін күресті жалғастырудың мүмкіндігі – себебі турнир кестесіндегі айырмашылық оларға соңғы орынды тастап шығуға әлі мүмкіндік береді.

«Тобыл» – «Шахтер»: қателіктің құны жоғары

Үздік үштікке таласып тұрған тағы бір команда – қарағандылық «Шахтер». Соңғы екі маусымда «кеншілер» жүлдеден сәл қалып қойған еді, екі рет те төртінші орынмен шектелді. Қазір де сол позицияда, бірақ Павел Заяц шәкірттерінің жағдайды түзетуге толық мүмкіндігі бар. Ал «Тобыл» болса, соңғы алты ойында жеңіліске ұшырап келеді – костанайлықтар сәтсіз серияны тоқтата ала ма?