Артём Панца: «Ендігі арманым – «Ордабасы» командасында Премьер-лигада ойнау»

– Мен бұл марапатты күттім, дайындалдым, және қазір тек оң эмоциялар сезініп тұрмын. Жеңісіме қатты толқып тұрмын. Құттықтағандарыңызға рахмет! Әсіресе, бапкерлеріме, басшылыққа және академияға ерекше алғысымды білдіремін. Баршаңызға үлкен рақмет! Сіздерге шын жүректен ризамын.

Бұл жеңісімді әкеме арнаймын, өйткені дәл оның ақыл-кеңестері мен қиын сәттердегі қолдауы арқасында осы нәтижеге қол жеткізе алдым. Ендігі арманым – «Ордабасы» командасында Премьер-лигада ойнау. Шымкенттік әрбір футболшының арманы – өз қаласының басты командасында ойнау деп ойлаймын. «Ордабасының» негізгі қақпашысы Бекхан Шайзадамен, сондай-ақ Қазақстан құрамасы мен Игорь Шацкиймен бірге жаттығуды қатты қалаймын.