Қайту

Асыл Пазыл – Freedom QJ League W турнирінің ең пайдалы ойыншысы!

Main image

Freedom QJ League тарихындағы алғашқы әйелдер маусымының ең пайдалы ойыншысы атағына «Астана» футболшысы Асыл Пазыл лайық деп танылды.

Қыркүйекте 15 жасқа толған Асыл маусымды ерекше көрсеткіштермен аяқтады: 14 матчта 19 гол, 13 нәтижелі пас. Оның еншісінде – қақпаға бағытталған 74 соққының 43-і дәл болған. Сондай-ақ Асыл 370 пастың 235-ін дәл жеткізді (64%).

Лиганың әр турнирінде «ең пайдалы ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» атанған спортшыларға Лиганың серіктесі Freedom Bank тарапынан 200 000 теңгеден сыйақы беріледі.

«Instagram-да өзімді маусымның үздік ойыншысы деп жариялаған постты көргенде, шынымды айтсам, бірден сене алмадым. Әлі де сене алмай тұрғандаймын. Қатты қобалжыдым, уайымдадым.

Бұл маусым мен үшін өте нәтижелі өтті, командамен бірге екінші орын алдық. Келесі жылы чемпиондық үшін бар күшімізді саламыз – дайындықты күшейтеміз. Ең есте қалған сәт – IX турдағы «Жетісуға» қарсы матч. Сол ойында 5 гол соғып, 3 ассист жасадым.

Алған сыйақымды оқуым үшін жұмсағым келеді. Футболға көп уақыт бөлеміз, сабаққа мұқият көңіл бөлуге әрдайым мүмкіндік бола бермейді. Ағылшын тілін жақсартқым келеді.

Алдағы жыл біз үшін табысты, жарқын болсын деймін. Ол үшін көп еңбектеніп, жақсы нәтиже көрсетуіміз керек», – деді Асыл марапат алған сәттегі сезімдерімен бөлісіп.


Mastercard
Mastercard
Creative Sports Agency
BASSPORT
Creative Sports Agency