«Астана» мен «Шахтер» кездеседі, «Ақтөбе» тағы да таңғалдыра ма? Freedom QJ League W жетінші туры алдында не білу керек

«Жетісу» – «Ордабасы»

Маусымның басты аутсайдерлері кезекті рет ұпай алуға тырысады. Өз алаңында ойнаудан бөлек, шымкенттік команданың нашар формасы да көмектесуі мүмкін – «Ордабасы» соңғы үш ойында жеңіліп, алдыңғы турда «Тобылмен» 0:0 тең ойнады. Алайда турнирлік кестеде командалар өте тығыз орналасқан – жеңіс оңтүстіктік аруларды медальға үміткерлер қатарына қайта әкелуі мүмкін, өйткені «Ертіштен» олардың айырмасы небәрі үш ұпай.

«Тобыл» – «Қайрат»

Қостанайлық команда қатарынан төрт ойын жеңілмей келеді – «Жетісу» мен «Ақтөбені» жеңіп, «Ертіш» пен «Ордабасымен» тең түскен. Ал «Қайрат» турнирде еш қиындық көріп отырған жоқ – алты ойыннан алты жеңіс, 43 гол соғып, небәрі бес гол жіберген. «Сары-қаралар» бірінші айналымды сол қарқында аяқтай ма, әлде жанкүйерлер турнир фаворитінің алғашқы сүрінуін көре ме?

«Астана» – «Шахтер»

Астаналық клуб пен «золушкалар» атанған қарағандылық ұжым арасындағы матч турдағы ең қызықты кездесулердің бірі болғалы тұр. Екі команда да бұл ойында барын салуға дайын – «Астана» ойыншылары «Қайраттан» ірі есеппен жеңілген соң жанкүйерлер мен өздерін қуантқысы келеді, ал «Шахтер» екі матч қатарынан жеңіліп, қарсыластарына екінші орынға бекіп қалуға мүмкіндік бергісі келмейді.

Саида Дюсембаева мен Дамира Мақсат қатарынан төрт турда гол мен паспен көзге түскен еді, бірақ соңғы екі ойында нәтижелі әрекет жасай алмады. Команданың көшбасшылары бірінші айналымның соңғы турында бұрынғы бабына қайта орала ала ма?

«Ақтөбе» – «Ертіс»

Төрт ойында қатарынан жеңілген «қызыл-ақтар» қарқын ала бастады – алдымен Талдықорғанда «Жетісуды» жеңсе, сосын Қарағандыға барып «Шахтердің» алаңында үш ұпай еншіледі.
Бұл жеңістерде шабуылшы Азиза Талаптың рөлі ерекше – соңғы екі ойында төрт гол соқты. Сондай-ақ соңғы үш турда төрт нәтижелі пас берген Томирис Балниязованы да ұмытпаған жөн. Өз алаңында жетістік сериясын жалғастыра ала ма, әлде «Ертішпен» ойын тым ауыр сынаққа айнала ма?