U-18 командаларының алдағы матчтарынан не күтуге болатынын талдаймыз.
«Қайрат» – «Шахтер»
10-турдың, бәлкім, бүкіл бірінші айналымның басты текетіресі екені даусыз. Майдан даласында осы уақытқа дейін жеңілістің ащы дәмін татпаған жалғыз командалар кездеседі: көш басындағы «Қайрат» (27 ұпайдың 27-сін де еншілеген, доп айырмашылығындағы феноменалды +40 көрсеткіші) және оның жақын қуушысы «Шахтер» (7 жеңіс, екі тең ойын, +20).
«Сары-қаралар» қарағандылықтардан төрт ұпай алда келеді, сондықтан бұл матчта жеңіліске ұшырау «кеншілердің» артта қалуын жеті ұпайға дейін ұлғайтып, олардың чемпиондық үшін күресін айтарлықтай қиындатады.
Бөлек интрига — сұрмергендер жарысында. Қазір бұл тізімді «Шахтер» жартылай қорғаушысы Расул Акимов (11 гол) бастап тұр, бірақ бұл жолы ол турнирдің ең үздік қорғанысына тап болады — естеріңізге сала кетейік, «Қайрат» тоғыз турда өз қақпасына тек екі-ақ гол жіберіп алған.
Дегенмен, алматылықтардың өздерінде де шабуыл шебінде бәрі тамаша: Дәулет Орынбасар мен Роман Черноморец 8 голдан соқса, Абылай Жылқайдардың еншісінде 6 гол бар. «Сары-қаралар» қазіргі таңдағы ең басты қарсыласына немен жауап береді?
«Жас Қыран» – «Тобыл»
«Жас Қыран» бұл турға артынан қуушылар өкшелеп тұрған қалыпта келеді. Алматылықтар әлі де үшінші орында (16 ұпай), бірақ оңай емес кезеңді бастан өткеруде — соңғы бес матчта тек бір ғана жеңіс, тіпті өткен турда команда «Қайраттан» ірі есеппен жеңілді (1:4). Ал бұл уақытта бәсекелестері де қарап отырған жоқ: «Ордабасы» мен «Ақтөбе» небәрі екі ұпайға, «Астана» үш ұпайға қалып келеді. Кез келген қателік команданы жүлделі орындар қатарынан ысырып тастауы мүмкін.
«Жас Қыранның» шабуылдағы әлеуеті турнирдегі ең үздіктердің бірі — 24 соғылған доп, бұдан көп тек «Қайрат» қана соқты. Команданы Алан Луканин («гол+пас» жүйесі бойынша 6+3) және Сергей Шарунов (5+2) алға сүйреп келеді.
«Тобылдың» басты көзірі — қорғаныс пен қақпашы Даниил Нуржановтың ойыны, оның қайтарған соққыларының 80 пайызы — чемпионаттағы ең үздік көрсеткіштердің бірі. Қостанайлықтар сары қағаздардың көптігіне байланысты бұл матчты Наби Таласбексіз өткізеді, алайда алаң иелерінде шеттетілген қорғаушы Сәлім Минжулин тағы бір ойынды жіберіп алады. Алматылықтар өз жағдайын түзеп ала ала ма?
«Ордабасы» – «Ертіс»
Төртінші орында келе жатқан шымкенттіктер медаль үшін күрестегі жағдайын нашарлатып алмас үшін міндетті түрде жеңіске жетуі керек. Өткен турда «Ордабасы» сырт алаңда «Таразды» қиындықпен жеңді (3:2), ал команданы турнирдің ең жарқын шабуылшыларының бірі — Дияр Рахымжанов (5 гол, 4 ассист) бастап жүр.
Павлодардан келген қонақтар үшін кез келген матчта ұпай алу маңызды: «Ертіс» турнирлік кестенің төменгі бөлігінде (11-орын, 5 ұпай) орналасқан және чемпионатта бәрінен де көп — 30 доп жіберіп алған. Соған қарамастан, өткен турда павлодарлықтар «Қайсармен» тең ойнап, ұпай еншіледі. Олар QJL All Star үзілісі қарсаңында тосынсый жасай ала ма?
ҚФФ Академиясы – «Ақтөбе»
«Тобылды» сенімді түрде жеңгеннен кейін (2:0) «ақ-қызылдар» «Ордабасымен» бірге төртінші-бесінші орындарды бөлісіп тұр (14 ұпайдан). «Ақтөбе» командасының күші — тығыз орталық шебінде: Ибрахим Бауыржанов («гол+пас» бойынша 3+3) және Aян Аманжолов (2+3) турнирдің үздік ассистенттері қатарында. Сонымен қатар, тәртіп мәселесіне назар аудару қажет: маусымдағы 23 ескерту және 2 қызыл қағаз — чемпионаттағы ең жоғары көрсеткіштердің бірі.
Өткен турда алаң иелері сырт алаңда «Астанадан» жеңіліп (0:4), тоғызыншы орында келеді. Турнирдің ең жас командасы тосынсый жасап, медальға үміткерлердің бірін сан соқтыра ала ма?
«Қайсар» – «Астана»
Елордалық команда матчқа жақсы бабында жақындап қалды — тоғызыншы турда ҚФФ Академиясын сенімді түрде жеңіп (4:0), алтыншы орынға жайғасты (13 ұпай). «Астананың» ойынына чемпионаттың үздік ассистенті Амандық Хамидуллин дирижерлік етуде (5 нәтижелі пас). Ол сондай-ақ xA (күтілетін ассисттер), соққыға шығарылған пастар және қақпа бағытына жасалған соққыларға пастар бойынша командада көш бастап тұр және алдыңғы шепте қауіп төндірудегі негізгі футболшылардың бірі болып табылады.
Ал «Қайсар» Павлодардағы тең ойыннан кейін сегізінші орында қалды (10 ұпай). Қызылордалықтар тәртіпке ерекше назар аударуы керек: маусымдағы 5 алаңнан қуу — турнирдегі ең нашар көрсеткіш, ал алдағы кездесуде «қасқырлар» амалсыздан шеттетілген Ернұр Сейтбековсіз ойнайды. Өз алаңында өтетін матч факторы қарқын алған қарсыластан ұпай тартып алуға көмектесе ме?
«Каспий» – «Тараз»
Кестенің төменгі бөлігіндегі, ұпай олар үшін алтынмен тең екі команданың жекпе-жегі. «Каспий» турнирлік кестенің соңын түйіндеп тұр (3 ұпай) Capslock және матчқа төрт жеңіліс сериясымен келе жатыр, оның соңғысы «Шахтерден» 1:4 есебімен жеңілу болды. «Тараз» сәл жоғарырақ орналасқан (10-орын, 8 ұпай), бірақ тоғызыншы турда өз алаңында «Ордабасыға» есе жіберді (2:3). Оның үстіне, алдағы матчқа қорғаушы Ғалымжан Оразалиев шеттетілген.
Қонақтардың басты үміті — «Тараздың» 6 гол соққан үздік сұрмергені Расул Нұрманбай. Fantasy QJ League ойыншылары оған мұқият қарағаны жөн. Деменмен, екі жақ та ұпай жинауға аса мүдделі матчта, сақтық шаралары ашық футболға жол беруі әбден мүмкін.
.png)