QJ League үздік қақпашысы: Александр Убыкин атындағы номинация

Александр Сергеевич Убыкин – кеңестік футболшы, қақпашы, қазақстандық футбол бапкері, КСРО спорт шебері.

 

Футбол ойнауды туған қаласы Алматыда бастаған. 16 жасында бапкері Анатолий Матвеевич Ромкомен бірге Псковқа көшіп, «Электрон» және «Машиностроитель» командаларында үш жыл ойнады.

 

1972 жылы әскер қатарына шақырылды. Осы жылдары Ленинград облысының чемпионатында «Выборг Звезда» командасының сапында өнер көрсетті. Сол уақытта оны Ростов әскерилер командасының селекционерлері байқап командаға шақырды, клубта үш жыл бойы ойнады.

 

1976 жылғы маусымда ол өзінің туған клубына оралады, «Қайрат» сол жылы КСРО жоғарғы лигасына қатысу құқығына қайта ие болды. 1980 жылға қарай Убыкин «Қайраттың» негізгі қақпашысына айналды. Алматылықтардың сапында қақпашы жоғарғы лигада 207, бірінші лигада 50 ойын өткізген.

 

Убыкин 1988 жылғы маусымды Павлодарда өткізіп, бірінші лигаға шығу үшін күресіп жатқан «Тракторда» ойнады.

 

Александр Сергеевичтің 35 жылдық бапкерлік тәжірибесі бар. Көптеген республикалық футбол мектептері мен клубтарында жұмыс істеді, ұзақ уақыт бойы алматылық «Қайраттың» қақпашылар бапкері болды.