Бақтиер Зайнутдинов атындағы Changan MVP of the Season сыйлығының иегері белгілі болды.
2026 жылғы маусым қорытындысы бойынша бұл марапат «Қайрат» шабуылшысы Дәулет Орынбасарға бұйырды. Ол сыйлықты жыл сайынғы QJL Awards марапаттау рәсімінде алды.
Дәулет «гол+пас» жүйесі бойынша 26 ұпай жинап, турнир көшбасшысы атанды: 20 гол соғып, 6 нәтижелі пас берді. Оның «Қайраты» мерзімінен бұрын Freedom QJ League чемпионы атанып, төртінші жыл қатарынан титулды жеңіп алды және маусым бойы бірде-бір матчта жеңілген жоқ.
Орынбасардың өзі де екінші жыл қатарынан турнирдің үздік бомбардирі атанды. Екі маусымда да 20 голдан соғып, Евстафий Пехлеваниди атындағы сыйлықты қайта иеленді.
Еске сала кетейік, 2023 жылы маусымның MVP ойыншысы Димаш Серікұлы («Тараз»), 2024 жылы қазір «Челси» сапында өнер көрсететін Дастан Сатпаев («Қайрат»), ал былтыр Глеб Макридов («Шахтер») атанған.
