Давид Заречный – Freedom QJ League B маусымының үздік жартылай қорғаушысы!

Заречный маусымды әсерлі көрсеткіштермен аяқтады: 15 матчта 7 гол және 6 ассист. Сонымен қатар, 15 жастағы футболшы 375 пастың 290-ын дәл жеткізіп, 77% дәлдік көрсетті.

Лиганың барлық турнирлерінде «ең пайдалы ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» атанған ойыншыларға серіктес Freedom Bank тарапынан 200 000 теңге көлемінде сыйақы табысталады.

«Бұл номинацияда жеңіске жету – керемет сезім. Жыл бойы жасаған еңбегімнің бағаланғаны мені қатты қуантты. Бұл келесі маусымда одан да жақсы болуға үлкен мотивация береді.

Жеке өзім үшін маусым жақсы өтті, тек алған жарақатымды есептемегенде. Осы жылы футболшы ретінде өстім деп ойлаймын, жаңа эмоциялар мен тәжірибе жинадым, ол маған келесі маусымда көмектеседі.

Есте қалған ең жарқын сәт? «Алтайға» қарсы алғашқы жеңісіміз. Ол кезде бізге ешкім сенбеді, бірақ біз бірден үлкендермен тең деңгейде ойнай алатынымызды көрсеттік. Ал маусымның жабылу салтанаты – мүлде бөлек әсер, ұмытылмас сәт болды. Приздық ақшаны өзіме және дамуымa жұмсағым келеді.

Жас ойыншыларға айтарым: уайымдамаңыздар, өз күштеріңізге және командаға сеніңіздер, қиындықтарға дайын болыңыздар. Сәттілік және жарақатсыз маусым тілеймін!», – деді Давид сұхбатында.