Евгений Яровенко: «Семинарда бірде-бір бейжай қалған бапкер жоқ»

Сабақтарды Спорттық-сараптамалық бөлім Қазақстан футбол федерациясының Техникалық орталығымен бірлесіп өткізуде. Осы арқылы бапкерлер УЕФА конвенциясына сәйкес өз лицензияларын ұзартуға қажетті оқу сағаттарын тегін ала алады. Бұған дейін осындай семинар Астанада өткен еді.

Екінші күннің бағдарламасы тәжірибелік жұмысқа негізделген. Дүйсенбі күні қатысушылар бес адамнан тұратын шағын топтарға бөлініп, жаттығу процесін дайындауға арналған тапсырмалар алды.

Бүгін олар Спорттық-сараптамалық бөлім мамандарының жетекшілігімен «Хан Тәңірі» футбол орталығы ойыншылары қатысқан жаттығулар өткізді. Кейін осы жұмыстардың нәтижелері теориялық тұрғыда талданды.

«Бапкерлер – біздің футболымыздың болашағы. Олардың кәсіби деңгейін қалай арттыратыны өздеріне байланысты, бірақ біз бірде-бір бейжай қалған бапкерді көрмедік. Барлығы өте жауапкершілікпен қарайды, бар ынтасымен қатысып, білім алып жатыр. Біз де кей жерлерде олардан үйренеміз. Дұрыс бағытта келе жатырмыз деп ойлаймын. Ең бастысы, оларды үлкен футболдық тәжірибесі бар, білікті нұсқаушылар оқытып жатыр», – деп атап өтті Лига сарапшысы Евгений Яровенко.

Лигаға САБ көзімен қарау: сарапшылардың жаңалықтарын қайдан оқуға болады