.webp)
Лиганың ресми фэнтези-турнирінде маусымның үздік қатысушыларына тартымды жүлделер қарастырылған. Сонымен қатар әр турдың жеңімпазы да бағалы сыйлыққа ие болады.
Fantasy QJ League әр ойын уикенді қорытындысы бойынша үздік құрам иелеріне COPA.KZ ұсынған 20 000 теңгелік сертификат табысталады. Сондықтан бұған дейін жарысқа қатыспағандар да дәл қазір қосылып, апта сайын жүлде үшін таласа алады.
Таңдау жасауға қиналғандарға алдағы 18-турға жасанды интеллект құрастырған құрамға назар аударуды ұсынамыз. Жүйе таңдау кезінде күнтізбені, ойыншылардың алдыңғы турлардағы статистикалық көрсеткіштерін және 100 Freedom-Coins бюджетін ескерді.
Схема: 4-4-2.
Қақпашы: Даниил Нуржанов («Тобыл», 5.0).
Қорғаушылар: Руслан Джетенов («Тобыл», 5.5), Тарлан Ербулатов («Қайрат», 6.0), Меирлан Балтабаев («Шахтер», 6.5), Галымжан Оразалиев («Тараз», 5.0).
Жартылай қорғаушылар: Аян Аманжулов (капитан, «Ақтөбе», 7.5), Ибрахим Бауыржанов (вице-капитан, «Ақтөбе», 7.5), Назар Захарченко («Тобыл», 6.0), Айбатолла Шулаков («Шахтер», 7.0).
Шабуылшылар: Алан Луканин («Жас Қыран», 7.5), Даулет Орынбасар («Қайрат», 11.0).
Қосалқы ойыншылар: Ашер Асхат (ШБ, «Ақтөбе», 6.0), Кирилл Сатжанов (ҚР, «Шахтер», 6.0), Ахан Ерболулы (ЖҚ, «Тараз», 6.5), Абай Заманбек (ҚП, ҚФФ Академиясы, 5.5).
Негіздеме: «18-турға арналған құрам «Тобыл» – «Ертіс» матчы мен чемпионат фавориттерінің екі сырт алаңдағы кездесуіне негізделіп жасалды.
4-4-2 схемасы ұпай есептеу жүйесіне байланысты таңдалды: жартылай қорғаушы нәтижелі әрекеттері үшін де, допты қайтарып алғаны үшін де, командасының «құрғақ» матчы үшін де ұпай алады. Бағасы бірдей болған жағдайда ортаңғы шептегі төрт позиция бесінші қорғаушыға қарағанда көбірек күтілетін ұпай береді.
Тарлан Ербулатов пен Меирлан Балтабаев турнирдегі ең үздік екі қорғаныстың өкілдері ретінде құрамға қосылды: «Қайрат» 17 турда бес гол, ал «Шахтер» он гол жіберді».
Еске саламыз: жасанды интеллект қателесуі мүмкін, ал кез келген матч сенсациямен аяқталуы ықтимал. Сондықтан өз талдауыңызды жасап, жүлде үшін күресте басымдыққа ие болу үшін қажет деп тапсаңыз, құрамға өзгерістер енгізуді ұсынамыз.
МАҢЫЗДЫ: Ойыншыларды таңдағаннан кейін құрамды сақтауды ұмытпаңыз! Ауыстыру саны шектелмейді – турлар арасында өзгерістерді еркін жасауға болады.
Маусым жеңімпазы iPhone 17 алады, ал екінші және үшінші орын иелеріне тиісінше PlayStation 5 және Apple Watch табысталады.
Сондай-ақ фэнтези-турнирдің Telegram-да жеке чаты бар – онда жаңадан қосылған қатысушыларға көмектесуге дайын жүздеген адам бар. Қосылып, ұзақ әрі қызықты маусымның бір бөлігі болыңыз!
Fantasy QJ League: құрамды жинап үлгеріңіз!
