Дизайнерлер байқауының финалистері: Еген Хұдұс

Еген Хұдұс (@yegenovkh) Қызылорда облысындағы Шиелі ауылында дүниеге келген. Қазір ол 22 жаста, елордада графикалық дизайнер болып жұмыс істейді және Мәскеудегі Жоғары брендинг мектебінде білім алуда. Біздің байқаудың финалисі алғашқы қадамдарын жасауға кім шабыт бергенін айтып, өз жұмысындағы басты ойды ашып көрсетті: форма Қазақстан футболының жаңа тарихын жазуға келген жаңа тұлғаларды айқындайды.

«Менің жобам жаңа буынның толқынын – олардың қуанышын, батылдығын және алға ұмтылысын сезінуге мүмкіндік береді деп сенемін. Егер менің дизайным Лиганың ресми мерчі болатын болса, оны үлкен мақтанышпен киіп жүремін және бұл жұмысты спорт саласындағы мансабымдағы ең маңызды жобалардың бірі деп есептеймін», – деді ол.



Жақын арада Telegram-арнада жанкүйерлер байқаудың үш үздік қатысушысын дауыс беру арқылы анықтайтын болады.

Еске саламыз, бірінші орын иегері 500 мың теңге жүлдеге ие болады. Екінші және үшінші орындар үшін сәйкесінше 300 және 200 мың теңге көлемінде сыйақы қарастырылған.

Сонымен қатар, жеңімпаз өз жұмысы негізінде жасалған мерчтің жарнамалық ролигіне түсетін мүмкіндікке ие болады.

Дизайнерлер байқауының финалистері анықталды!