Freedom QJ League B: финалдық тур қарсаңындағы жүлделер тағдыры

Чемпиондық атақты алдын ала иеленіп қойған «Оңтүстік» бұл жарыста өз мәртебесін нақтылап үлгерді. Дегенмен күміс жүлде үшін айқас әлі аяқталған жоқ: бірден үш ұжым – ҚФФ Академиясы (32 ұпай), «Оқжетпес» (31 ұпай) және «Қызылжар» (29 ұпай) соңғы мүмкіндік үшін таласады.

Турдың басты шайқасы ҚФФ Академиясы мен «Қызылжардың» арасындағы кездесу болмақ. Алғашқы айналымдағы ойында бұл командалар тең тарқасқан еді – 1:1. Егер осы жолы петропавлдықтар өз алаңында жеңіске жетсе, олар жүлделі үштікке жол ашып, қарсыласын басып озуы мүмкін. Ал тең нәтиже немесе жеңіліс солтүстіктік ұжымға жүлдеден қол үздіреді.

Алайда «Қызылжардың» жеңісі екінші орынға кепіл болмайды. Бұл тек «Оқжетпестің» «Елімайды» тізе бүктіре алмауы жағдайында жүзеге асады. Егер көкшетаулықтар семейліктермен тең түссе, үш команда ұпай саны бойынша теңесіп, жүлделердің тағдыры өзара кездесулердің нәтижесіне қарай шешіледі. Мұндай жағдайда күміс жүлде «Қызылжарға», қола жүлде «Оқжетпеске» бұйырады, ал ҚФФ Академиясы жүлдесіз қалады.

Егер «Оқжетпес» соңғы ойында жеңіліп қалса, онда «Қызылжардың» жеңісі оларды үздік үштікке шығарады, ал кокшетаулықтар жүлдеден тыс қалады. Ал ҚФФ Академиясы үшін кез келген жеңіс немесе тең есеп көкшетаулықтарға өз ойынының нәтижесіне қарамастан үздік үштікке орын алуға жеткілікті.

Барлық бес кездесу сенбі күні бір мезгілде – 12:00-де басталады. Осылайша, көп ұзамай Freedom QJ League B маусымының финалдық кестесі анықталып, жүлделі орындардың тағдыры шешілмек.