Freedom QJ League өкілдері өңірлерге жасалатын жұмыс сапарларының сериясын жалғастыруда. Ақтаудан кейін Лига делегациясы Орал қаласына ат басын бұрды.
Freedom QJ League атқарушы директоры Александр Орлов, жарыстарды ұйымдастыру және өткізу блогының жетекшісі Қуандық Ермекбаев, сондай-ақ медиа және маркетинг блогының жетекшісі Антон Лысяк жергілікті «Жайық» футбол клубының инфрақұрылымымен танысты. Делегация жаңғыртылған стадионды және жаттығу нысандарын аралап, олардың қазіргі жағдайын бағалады.
Сонымен қатар Freedom QJ League өкілдері «Жайық» клубының басшылығымен келіссөздер өткізді. Кездесуге клубтың құрылтайшысы Асхат Мырзахметұлы, футбол орталығының жетекшісі Александр Кузнецов және спорт директоры Руслан Уталиев қатысты.
Кездесу барысында Батыс Қазақстан облысындағы футболды дамыту стратегиясы, сондай-ақ клубтың Freedom QJ League қатысушылары қатарына қосылу мүмкіндігі талқыланды.
.webp)
(0).webp){kind=logo}
.webp)
.webp){kind=logo}
