Freedom QJ League жобалары – Metaratings Top Awards сыйлығының бірден бірнеше номинациясында!

Лиганың жобалары «Үздік спорт ұйымы» және «Жыл ивенті» (Мадридтің «Атлетико» клубымен өткен QJL All Star матчы үшін) секілді маңызды санаттарда жүлдеге үміткер. Сонымен қатар Лига «Үздік спорттық маркетинг» номинациясында ерекше табысқа жетіп, Changan Kazakhstan және Mastercard-пен жасалған коллаборациялар үшін бірден екі рет ұсынылды.

Еске сала кетейік, бұған дейін Freedom QJ League «Үздік спорт ұйымы» номинациясында екі мәрте жеңіске жеткен. Ал соңғы марапаттау рәсімінде Лиганың Қамқоршылық кеңесінің төрағасы Тимур Турлов «Үздік спорт менеджері» атанды. Биыл да оның кандидатурасы осы номинацияға ұсынылып отыр.

Шорт-листер халықтық дауыс беру нәтижелері бойынша қалыптастырылады, ал жеңімпаздарды кейін сарапшылар алқасы анықтайды. Лиганың жобаларына сыйлықтың ресми сайтында дауыс беруге болады.