Freedom QJ League W IV туры: футболшы қыздар мен бапкерлер не деді

«Ертіс» – «Астана», 2:1

Рамина Омарова, «Астана» қорғаушысы:

– Ойын жақсы өтті. Әрине, шабуылдарды аяқтау жетіспеді. Гол соғатын сәттер көп болды. Бастапқы минуттарда гол жіберіп алмағанда, бірінші біз соғар едік, бәрі басқаша болар ма еді.

Болат Сағынбаев, «Астана» бас бапкері:

– Қарсыласқа алғыс айтамын. Бірінші таймда мүлде ойынымыз жүрмеді, жылдам гол жіберіп алдық. Доп бізде мүлде ұсталған жоқ. Екінші таймда алмастырулар жасадық, ойынды бақылауға тырыстық. Бірақ сәттерді жүзеге асыра алмадық, қайтадан қарымта шабуылда гол жібердік. Есеп – 2:1. Аяқтауды жақсартуымыз керек.

Анастасия Гордеева, «Ертіс» қорғаушысы:

– Жақсы ойын болды, соңына дейін күрестік. Жақсы сәттер болды, бірақ аздап жетпей қалды – допқа үлгермей қалдым.
Біз екі минутта салған алғашқы гол өте әдемі болды. Екінші гол жеңісті сақтап қалуға көмектесті.

Ксения Постовая, «Ертіс» бас бапкері:

– Ойын үшін рақмет. Баршаңызды жеңіспен құттықтаймын. Бірақ ойын жоспары орындалмады. Бапкер ретінде ойынымызға көңілім толмады.

Моменттер аз болды. Қыздар қорғанысқа қатты жабысып қалды. Үлкен қысым әсер етті. Демалыс беру туралы ой бар.
«Астана» – мықты қарсылас. Екі доппен, жылдам ойнайды. Бүгінгі жеңіс біз үшін ауадай қажет болды.

«Шахтер» – «Жетісу», 4:2

Айнұр Ануарбек, «Жетісу» жартылай қорғаушысы:

– «Шахтерді» жеңісімен құттықтаймын. Аздап жетпей қалды. Қарсылас техникалық жағынан өте мықты.

Қанат Сағымов, «Жетісу» бас бапкері:

– Freedom QJ League турниріне қатысуымызға мүмкіндік бергендерге рақмет. Қыздардан құралған командамен алғаш рет мұндай деңгейде ойнап жатырмыз.

Карағандыдағы ауа райы өте жақсы болды. Шарттар да жоғары деңгейде. «Шахтер» – сапалы футбол ойнайтын команда.
Біз де үйренеміз, дайындаламыз. Нәтиже бойынша – тең есепке жеткізуге болар еді. Бірақ қарсылас класы сәл жоғары.
Сіздерде де, бізде де құрамаға лайықты қыздар бар. Бастысы – жарақат болмасын. «Шахтерді» құттықтаймын.

Данагүл Ахметжан, «Шахтер» жартылай қорғаушысы:

– Ойын тартысты өтті. Қарсылас жақсы ойнады. Бірінші таймда қиын болды, екіншісінде жиналып, қажетті голдарды соқтық.

Мақсат – алға жылжу, күн сайын өзімізді жетілдіру.

Бірінші голды уәде еткен медиа қызметкерлерге арнадым, екіншісін – отбасым мен достарыма.

Сергей Поленов, «Шахтер» бас бапкері:

– Валидолдық матч болды. Қыздарға айттым – бірақ бәрібір турнир кестесіне қарап жүр.
Гол соқтық, бірақ өз қақпамызға да. Үзілісте түзетулер жасадық. Жартылай қорғаныс ойыны көңілден шықпады – көп қателік, асығыстық.

Екі команда да тең дәрежеде ойнады. Лиганың кез келген командасы күреске дайын. «Жетісуға» құрмет. Бұл – бізге сабақ.

«Ордабасы» – «Қайрат», 0:5

Ербол Сарман, «Ордабасы» бас бапкері:

– Ойын қиын өтті. «Қайратты» құттықтаймын. Біздің қыздар жас, қарсылас үлкен. Үйренеміз, жұмыс істейміз.

Диана Ситникова, «Ордабасы» шабуылшысы:

– Бар күшімізді салдық, бірақ ойынымыз жүрмеді. Қарсыласқа рақмет.

Айя Муттари, «Қайрат» жартылай қорғаушысы:

– Қиын, бірақ жақсы ойын болды. «Ордабасы» жақсы прессинг жасады.

Эльдар Гасанов, «Қайрат» бапкердің көмекшісі:

– Матч қызықты өтті. Қарсылас мықты болды. Біз өз ойынымызды орындадық. Дәл осындай есеп күткен жоқпыз.

«Ақтөбе» – «Тобыл», 2:3

Анара Қабдыкөпарова, «Тобыл» қорғаушысы:

– Қиын ойын болды. Бірінші таймда 3:0 алда болдық. Бірақ үзілістен кейін босаңсып, 3:2-мен аяқтадық.

Кішкене жанжал болды – ренжіскен қыздар болды. Бірақ шешеміз деп ойлаймын. Жеңісті – жанкүйерлер мен жақындарыма арнаймын.

Денис Сафронов, «Тобыл» бас бапкері:

– Бірінші тайм – толық үстемдік. Екіншіде – екі қателік.

Ойын соңындағы жағдай үшін кешірім сұраймын. Футбол көп болу керек еді, ал бізде дау-жанжал орын алды.

Жаңбырға қарамастан, алаң өте жақсы болды. Ұйымдастыру деңгейі – жоғары. Freedom QJ League – әрқашан биікте.

Азамат Жітпісбаев, «Ақтөбе» бас бапкері:

– Бірінші тайм қиын өтті. Ерте гол жіберіп алдық. Қыздарға алғыс – соңына дейін күресті.

Соңғы сәттерде аздап жетпей қалды. Эмоциялар әсер етті. Өзара сөйлесеміз.

Томирис Балниязова, «Ақтөбе» шабуылшысы:

– Біздің үшін қиын ойын болды. Бірінші тайм – мүлде ештеңе шықпады. Екінші таймда – бірігіп ойнадық.

Жанжал үшін кешірім сұраймыз. Мұны мойындау – батылдықтың белгісі. Келесіде бұлай қайталамаймыз.