Freedom QJ League 2026 маусымының ресми добы таныстырылды!

Adidas Tiro Pro доптары мұқият таңдалған материалдардан жасалып, ойын кезінде жоғары бақылау мен дәлдік береді. Олар бірқатар сынақтардан өтіп, ресми матчтарда қолдануға мүмкіндік беретін FIFA Quality Pro сертификатына ие болды.

Лигаға қатысатын 66 команданың әрқайсысы ойындар мен жаттығуларға арналған ондаған доппен қамтамасыз етілді.

Еске сала кетейік, Freedom QJ League 2026 маусымының алғашқы туры 18 сәуірде басталады. Осы күні Қызылордада Лига тарихындағы 1000-шы матч өтеді — «Қайсар» мен «Тобыл» арасындағы кездесу ауқымды футбол мерекесі форматында ұйымдастырылады. Билеттер Freedom Ticketon платформасында қолжетімді.