«Қайрат» – Freedom QJ League W-тің алғашқы чемпионы: бас бапкер мен капитан не деді

«Қайраттың» бас бапкері Оксана Коханная

– Біз бұған өте ұзақ уақыттан бері келе жатырмыз. Үш жыл бойы бізге бірде бір ұпай жетпеді, бірде доптардың айырмасы кедергі болды. Ал бүгін біз көптен бергі арманымызды орындадық.

Әрине, эмоциялар өте жоғары, бәріміз қатты қуаныштымыз. Ойын үшін рақмет, қарсыласқа да, ұйымдастырушыларға да жақсы матч үшін алғыс айтамын.

– Милена Николенко алаңға шығып, төрт гол соқты. Одан мұны күттіңіз бе?

Иә, әрине. Милена – үздік сұрмергендердің бірі, шабуыл шебінде ойнайды. Тағы айта кететін жайт, ол біздің ең жас ойыншымыз, 2011 жылы туған. Менің ойымша, Миленаның шабуылшы ретінде үлкен болашағы бар. Біз одан гол күткенбіз, ол оны орындады.

Жания Махаш? Бұл – біздің диспетчеріміз. Менің ойымша, ол Лигадағы қыздар арасында ең үздік диспетчерлердің бірі. Ол ойынды оқи біледі, көп голдық пас береді, бұл көрсеткіш бойынша көшбасшы.

Барлық қыздарды атап өткім келеді, өйткені олар күресті, жан аямай ойнады, үлкен жарайсыңдар.


«Қайраттың» капитаны Айя Муттари

– Әрине, қатты қуаныштымыз. Бәрі бақытты, өйткені біз бұған 3–4 жыл бойы ұмтылып келдік. Міне, Лигадағы алғашқы маусымымызда-ақ чемпион атандық. Бізде әлі екі ойын бар, бірақ бәрібір бәріміз қуанудамыз.

– Өз алдыңа қойған барлық мақсаттарыңа қол жеткіздің бе?

– Иә деуге болады. Ең бастысы – чемпиондықты алу. Біз оны жасадық, сондықтан ең қатты қуанғаным – команда үшін.