Басты қарсыласулар: Freedom QJ League W-дің оныншы туры алдындағы басты жайттар

«Шахтер» – «Ордабасы»

Маусым айын медальға басты үміткер ретінде аяқтаған қарағандылық футболшы қыздар кейіннен қатарынан бес матчта жеңіліп қалды. Дегенмен Сергей Поленов шәкірттерінің жүлделі үштікке ену мүмкіндігі әлі бар – алда бес тур, ал қола орыннан төрт ұпай ғана қалып тұр.
Ол үшін міндетті түрде қазір үшінші орында келе жатқан команданы жеңу керек – ал бұл «Ордабасы». Оңтүстіктік команда соңғы бес матчта тұрақсыз өнер көрсетті – екі жеңіс, екі жеңіліс және бір тең ойын. Карағандыдағы кездесу қалай аяқталады?

«Ертіс» – «Қайрат»

Тағы бір медальға таласушы – павлодарлық «Ертіс» – маусымның басты фавориті «Қайратпен» кездеседі. «Сары-қаралар» турнирде әлі де еш қиындық көріп отырған жоқ – алаң иелері таңғалдыра ала ма?

«Жетісу» – «Тобыл»

Өткен аптада «Тобыл» төрт матчтық жеңіссіз сериясын үзді, «Шахтерді» ұтып. Енді қостанайлық команданың үш ұпайға ие болуға тағы бір мүмкіндігі бар – Денис Сафронов шәкірттері Талдықорғанға қонаққа барады.

Алина Сартаева соңғы екі ойында 2+2 нәтижесін көрсетті – «Тобылдың» үздік сұрмергені статистикасын жақсарта ала ма?

«Ақтөбе» – «Астана»

«Қызыл-ақтар» «Қайраттан» ірі есеппен жеңілмес бұрын қатарынан төрт рет жеңіске жеткен болатын, сондықтан «Астанаға» оңай болмайды. Бұл командалардың алғашқы кездесуі астаналық клубтың 1:0 есебімен ерік-жігер танытқан жеңісімен аяқталды – жағдайды 82-минутта Софья Рыбак құтқарған еді. Сондықтан алдағы матч екі тарап үшін де интрига мен мотивацияға толы болмақ.