Лига делегациясы Қызылордадағы «Қайсар Аренада» болды

Еске салайық, өткен жылдың қазан айында қалада 11 мың көрерменге арналған жаңа футбол стадионы – «Қайсар Арена» салтанатты түрде ашылған болатын. Аталған аренада Қазақстан Кубогының финалы өтті.

Лиганың медиа және маркетинг бөлімінің жетекшісі Антон Лысяк, маркетингтік коммуникациялар менеджері Аяжан Жұмабекова және ССБ сарапшысы Жанна Мальгаждарова бірқатар жұмыс кездесулерін өткізіп, УЕФА-ның 4-санат талаптарына сәйкес салынған аренаның заманауи инфрақұрылымымен танысты.

Стадион сапалы жасанды жабынмен, заманауи жарықтандыру және дыбыс жүйелерімен, сондай-ақ республикалық және халықаралық деңгейдегі жоғары санатты жарыстарды өткізуге қажетті барлық нысандармен жабдықталған.

Сондай-ақ Лига өкілдері негізінен 2010 жылы туған футболшы қыздардан құралған «Қайсардың» қыздар командасының жаттығуына қатысты.

«Қайсар» Freedom QJ League турнирлеріне Лига құрылған сәттен бастап қатысып келеді. Өткен маусым қорытындысы бойынша қызылордалық клубтың тәрбиеленушілері флагмандық турнирде және U-17 жарысында 12-орынға ие болды. Ал U-16 командасы маусымды 10-орынмен аяқтады.