Лиганың маусым алдындағы баспасөз конференциясы 6 сәуірде өтеді

Іс-шараның басталуы – 12:00. Спикерлер: Freedom Holding Corp. компаниясының бас атқарушы директоры Тимур Турлов және Freedom QJ League президенті Рохус Шох.

Баспасөз конференциясы барысында Лиганың алғашқы үш жылдағы жұмысының қорытындылары шығарылып, алдағы маусымға арналған негізгі жаңашылдықтар мен ресми серіктестіктер таныстырылады. Сондай-ақ спикерлер журналистердің сұрақтарына жауап береді.

Іс-шараға қатысу үшін БАҚ өкілдерін шақырамыз. Ол үшін алдын ала аккредитациядан өту қажет. Өтінімдер 3 сәуір сағат 18:00-ге дейін қабылданады.

Аккредитация алу үшін press@qjl.kz электронды поштасына хат жолдау қажет. Бір хатта редакцияның бірнеше өкілін көрсетуге болады, алайда әр қызметкер бойынша толық мәліметтер пакеті ұсынылуы тиіс:

• БАҚ атауы

• Журналистің аты-жөні (латын әрпімен)

• Редакциядан фирмалық бланкіде, бас редактордың немесе басшының қолы қойылған ресми хат (журналистің аты-жөні мен қызметі көрсетілуі тиіс)

• Журналистің байланыс телефоны

• Жеке куәліктің немесе паспорттың көшірмесі

Байланыс нөмірі: +7 777 108 19 91 (Адлет Талгатбек, Лиганың PR-менеджері).