Медиа-маркетинг чемпионаты: «Шахтер» мен «Тобыл» – үшінші кезеңнің көшбасшылары

ММЧ екі бағыттан тұрады: медиа және маркетинг. Қатысушылар контент-жобалар әзірлеу мен матчтарды безендіруден бастап, жанкүйерлермен жұмыс істеу, аудиторияның белсенділігін талдау және оны арттыруға дейінгі түрлі тапсырмаларды орындағаны үшін ұпай жинайды.

Жарыс аясында маусым алты кезеңге бөлінген. Әр кезеңнің қорытындысы бойынша мамандар есеп толтырады, кейін оны Лига қызметкерлері сараптайды. Әр бағытта үздік нәтиже көрсеткен клубтар материалдық сыйақы алады.

Үшінші кезеңнің қорытындысы бойынша медиа бағытта «Шахтер» көш бастады — 437 ұпай. Екінші орынға «Тараз» (359), үшінші орынға «Ақтөбе» (357) жайғасты.

Маркетинг бағытында «Тобыл» (205) бірінші орын алды. Жүлделі үштікке сондай-ақ «Каспий» (200) мен «Шахтер» (190) енді.



Еске салайық, маусым қорытындысы бойынша үздік медиа-қызмет пен маркетинг бөлімі жыл сайынғы QJL Awards салтанатында арнайы марапаттарға ие болады.