Мирдиер Мирахматов – Freedom QJ League U16 үздік қақпашысы!

Ол турнир барысында 16 ойын өткізіп, бар болғаны 6 гол жіберді және 8 матчты «құрғақ» аяқтады. Жалпы 42 сейв жасап, шымкенттік команданың қола медаль алуына үлкен үлес қосты.

Freedom Bank серіктестігі аясында барлық турнирлердің «ең пайдалы ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» номинацияларының иегерлері 200 000 теңгеден алады.

«Эмоцияларым өте жағымды. Бұл – менің де, бүкіл команданың да еңбегіне берілген баға. Жұмыстың көрініп, бағаланғаны қуантады.

Маусым қиын болды, бірақ өте нәтижелі өтті. Жігіттер айтарлықтай өсім көрсетті – ең маңыздысы да осы. Жас ойыншылардың талапқа қаншалықты тез бейімделетіні таңғалдырды. Ең жарқын сәт – команда қиын матчы соңында мінез танытып, жеңісті жұлып алған кезі.

Келесі маусымдағы мақсаттар – тұрақтылық, өсу және әр турда сенімді ойын. Жүлде қаражатын білімге, инвентарға және қалпына келуге жұмсаймын – кәсіби дамуыма қажет нәрсенің бәріне.

Лигадағы болашақ дебютанттарға айтар тілегім – қорықпау, өзіңе сену және көп еңбектену. Қателік – өсудің бір бөлігі. Ең бастысы – алаңға батыл шығып, ойынды ләззатпен өткізу», – деді ол сұхбатында.