«Оқжетпес» «Оңтүстікке» көмектесті: Freedom QJ League B 13-турындағы жарқын сәттер

«Оқжетпестің» жеңісі

Турдың орталық матчы КФФ Академиясының жеңілісімен аяқталды – көкшетаулық «Оқжетпес» өз алаңында фаворитті қиын күресте тізе бүктірді.

49-минутта Максим Дирбах есеп ашып, алаң иелерін алға шығарды. Бірақ 75-минутта Никита Лисохмар таразы басын теңестірді. Дегенмен көпке созылмады – 79-минутта Әлмерек Қарбаев 2:1 есебін орнатса, бірнеше минуттан кейін Ерсат Есім артықшылықты ұлғайтты. КФФ Академиясы тек матч соңында жауап қатты: Нұрмұхаммед Қамбардың голы түпкілікті есепті белгіледі – 3:2.

Темірлан Ермектің сәтті күні

КФФ Академиясының жеңілісінен бір күн бұрын «Оңтүстік» сырт алаңда жеңіске жетті. Шымкенттік команданың шабуылшысы Темірлан Ермек үш голдың бәріне қатысып, дубль жасады (оның бірі пенальтиден), сондай-ақ Армат Қалдарбекке нәтижелі пас берді. Осылайша «Оңтүстік» турнир кестесінде бірінші орынға көтерілді – басты қарсыласынан екі ұпай алға шықты.

Сарсенбектің дублі мен пасcы

«Қызылжар» сырт алаңда «Хан-Тәңіріден» жеңіліп, жағдайын қиындатты. Алматылық команданың барлық үш голына Рауан Сарсенбек қатысы бар: әуелі ол Тимур Хванға пас беріп, кейін өзі екі гол соқты.

Қазір петропавлдық команда төртінші орында және «Оқжетпестен» төрт ұпайға қалып келеді. «Хан-Тәңірі» де үздік үштікке үмітін үзген жоқ – алты ұпайлық артта қалушылықты қалған бес турда қайтаруға болады.