«Оңтүстіктің» ойыншылары трофейді көтерді!

Кездесудің басты қаһармандары Темірлан Ермек (покер) пен Алихан Әли (хет-трик) атанды. Сондай-ақ алаң иелерінің қатарында Диас Ибадулла мен Оралхан Құлмұрат та гол соқты. Қонақтардың жігерлі голын Нұралы Садыков соқты.

Айта кетейік, «Оңтүстік» 16-турдан кейін маусымның мерзімінен бұрын чемпионы атағын ұтқан болатын. Енді Андрей Вагановтың командасына көптен күткен трофей табыс етілді.

«Freedom QJ League-ге үлкен рақмет айтқым келеді. Біз бұл чемпиондыққа өте қуаныштымыз. Бұл негізінен бапкерлердің еңбегі, оларға үлкен алғыс, сондай-ақ ата-аналарымызға да рақмет», – деді «Оңтүстік» қақпашысы Баглан Хантай.

Осылайша 2008 жылы туған «Оңтүстіктің» жасөспірімдері қатарынан екінші маусымда Лига чемпионы атанды – бір жыл бұрын олар U17 B турнирінде жеңіске жеткен еді.