QJL All Star матчына дайындық: Лига құрамасының кандидаттарына арналған спорттық қолдау

Алдыңғы жылдардағыдай, ойын алдында Freedom QJ League құрамасы оңтүстік астанада апталық оқу-жаттығу жиынына жиналады. Футболшылар жиынға барынша жақсы формада келуі үшін Лиганың спорттық-сараптамалық бөлімі оларға спорттық қоспалар жиынтығын дайындады.

«Жас футболшылардың ағзасын жан-жақты қолдай алатын қоспалар кешені таңдалды.

BCAA мен бета-аланин – бұлшықетті қалпына келтіруге және төзімділікті арттыруға, магний мен мырыш – жүйке жүйесі мен энергия тепе-теңдігін сақтауға арналған.

Кешенді мультивитаминдер мен D дәрумені – жалпы денсаулық пен иммунитетке, глюкозамин мен хондроитин – буындар мен байламдарға, Омега-3 – жүрек-қан тамырлар жүйесі мен қабынуға қарсы әсерге арналған.

Соңында, изотоник – жаттығу кезінде сұйықтық пен электролиттерді қалпына келтіру үшін, ал мелатонин – сапалы ұйқы арқылы ағзаны қалпына келтіруге көмектеседі.

Бұл жиынтық футболшыларға тек жаттығу жүктемелеріне төтеп беруге ғана емес, алаңдағы әлеуетін толық көрсетуге мүмкіндік береді», – деп түсіндірді спорттық медицина бойынша САБ сарапшысы Азамат Нұрмаханов.

Еске салайық, QJL All Star матчы 23 тамызда Алматыда өтеді.