QJ League Awards 2025: «Үздік бапкер», шорт-лист

Жеке марапатқа финалдық үміткерлер қатарында – Ербол Мұсабаев («Астана» U18), Искандар Геймат («Ордабасы» U16) және Игорь Солошенко («Шахтер» U17).

Ербол Мұсабаевтың басшылығымен елордалық команда 12 жеңіске жетіп, алты рет тең түсті және төрт ойында жеңіліп, флагмандық турнирдің күміс жүлдегері атанды.

Искандар Геймат жаттықтырған «Ордабасы» U16 командасы маусымды 12 жеңіс, жеті тең нәтиже және үш жеңіліспен аяқтап, қола жүлдеге қол жеткізді.

Игорь Солошенко баптаған 2009 жылы туған ойыншылардан құралған «Шахтер» U17 командасы турнирдің үшінші сатысына тұрақтады. «Тау-кеншілердің» көрсеткіші – 13 жеңіс, төрт тең ойын және бес жеңіліс.

Жеңімпаздың есімі 1 қараша күні өтетін QJ League Awards салтанатты марапаттау рәсімінде жарияланады.

Еске сала кетейік, 2023 жылы маусымның үздік бапкері атағын «Ақтөбе» клубының бас бапкері Максим Габунов иеленсе, келесі жылы жүлде «Қайрат» командасының жаттықтырушысы Русланжан Райымбакиевке бұйырған болатын.