QJ League Awards 2025: «Үздік қақпашы» шорт-листі

Жеке жүлдеге үміткерлердің финалдық тізіміне Мадияр Төлеубек («Ертіс»), Санжар Рахматиля («Тараз») және Махмуджан Сунгатуллин («Жас Қыран») енді.

Мадияр Төлеубек маусымда 18 матч өткізіп, соның бесеуінде қақпасын «құрғақ» сақтап қалды. Ол барлығы 31 гол жіберіп, 77 сэйв жасады.

Санжар Рахматиля 15 кездесуде өнер көрсетіп, 23 гол өткізіп алды және 56 сэйвпен көзге түсті. Екі ойында қақпасын аман сақтаған.

Махмуджан Сунгатуллин – маусымдағы ең көп «құрғақ» матч иегері (13 ойынның 8-інде). Ол маусым барысында небәрі 8 гол өткізіп, 49 сэйв жасады.

Жүлде иесінің есімі 1 қараша күні өтетін QJ League Awards салтанатты рәсімінде жарияланады.

Еске салайық, 2023 жылы маусымның үздік қақпашысы атағын «Ақтөбе» ойыншысы Саятахан Құсайынов иеленсе, келесі маусымда Александр Убыкин атындағы марапат «Шахтер» қақпашысы Ян Лаловқа табысталған болатын.