Роман Черноморец – Freedom QJ League U17 турнирінің Ең пайдалы ойыншысы!

Қараша айында ғана 15 жасқа толған Роман маусымды керемет өткізіп, 20 матчта 21 гол соғып, маусымның үздік бомбардирі атанды. Сонымен қатар, оның еншісінде 6 нәтижелі пас және 385 пастың 276-сы дәл жеткен (72%).

Барлық турнирлердің «ең пайдалы ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» аталымдарының иегерлері Лиганың серіктесі Freedom Bank-тан 200 000 теңгеден алады.

«Көңіл-күйім өте жақсы, бұл марапатқа ие болғаныма қуаныштымын. Маусым тамаша өтті.

Келесі жылға қойған мақсатым – алтын медаль жеңіп алу және тағы да жеке марапатқа қол жеткізу.

Мені таңғалдырған жайт – аталым иелеріне ақшалай сыйлық берілуі және Лиганың жалпы деңгейі. Ең есте қалған сәт – «Ордабасы» қақпасына соққан голым. Жүлде ақшасын өзіме, киім алуға жұмсамақпын.

Жас жігіттерге алдағы маусымда сәттілік тілеймін. Алғашқы жыл олар үшін қиындау болары анық, бірақ бәрін еңсереді. Жас ойыншылар келе бастағанда маусым одан әрі қызықты боларына сенімдімін», – деді Роман Лиганың ресми сайтына берген сұхбатында.