Лиганың Спорт-сараптамалық бөлімінің деректерді талдау жөніндегі маманы Азамат Шмитов Италияға оқуға аттанды.
Ол осы мамандық бойынша әлемнің үздік 60 жоғары оқу орнының қатарына кіретін Турин политехникалық университетінің Data Science and Engineering магистратура бағдарламасына түсті.
Freedom QJ League-де бір жылдан астам жұмыс істеген Азамат бірқатар жобаны жүзеге асырды. Олардың қатарында OVR фитнес-тесттерінің нәтижелері мен матч деректері бойынша кешенді аналитикалық дашборд, Лига түлектері бойынша аналитика, ойыншылар мен командаларды архетиптерге бөлу, FFM-дегі пайдаланушылар белсенділігін талдау, фитнес-датчиктерден алынған деректерді өңдеу және ата-аналарға есептерді автоматты түрде жіберу бар.
Осы құралдардың арқасында Спорт-сараптамалық бөлімінің мамандары, жаттықтырушылар, ойыншылар және олардың ата-аналары Лига жинайтын цифрлық деректерге жылдам әрі сапалы қол жеткізе алады.
«Еуропада халықаралық тәжірибе жинап, ірі аналитикалық компаниялар мен футбол клубтарында жұмыс істегім келеді. Сол тәжірибені жинақтап, Қазақстан футболының дамуына оң үлес қоса алатыныма сенемін!», – деді Азамат Лиганың баспасөз қызметіне.
(0).webp)
