Тамирлан Қалымжанов – Freedom QJ League B маусымының үздік шабуылшысы!

Қалымжанов турнирде 18 матч өткізіп, 15 гол соқты және 10 нәтижелі пас берді. Ол қарсылас қақпасына 66 соққы жасап, оның 42-сі дәл қақпаға бағытталды. Сондай-ақ ол 453 пастың 326-сын дәл жеткізіп, 72% дәлдік көрсетті.

Лиганың барлық турнирлерінде «ең пайдалы ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» атанған ойыншыларға серіктес Freedom Bank тарапынан 200 000 теңгеден табысталады.

«Бұл номинацияда жеңіске жеткеніме байланысты эмоцияларым өте керемет. Бұл күтпеген, бірақ өте жағымды сәт болды. Маусым жақсы өтті, тіпті мен үшін ең үздік маусымдардың бірі болды деп айта аламын.

Ең есте қалған сәт – маусымдағы алғашқы голым. Сол кезде үлкен мотивация алдым, бұл маған қатты көмектесті.

Ақшалай сыйлықты, әрине, отбасым үшін жұмсап, өзіме жаңа бутсы алғым келеді. Ал келесі жылы Лигада дебют жасайтын жас жігіттерге айтарым: көп еңбектеніңіздер, берілмеңіздер және өздеріңіздің нағыз мүмкіндіктеріңізді көрсетуге тырысыңыздар», – деді Тамирлан сұхбатында.