Дизайнерлер байқауының финалистері анықталды!

Еске салайық, байқауға қатысу үшін Лиганың айдентикасына үйлесімді келетін ерекше әрі жарқын атрибутика концепциясын жасап, өз жұмысыңызды Instagram желісінде жариялау қажет болатын.

Қазылар алқасының мүшелері байқауға жолданған жұмыстар жайлы өз пікірлерімен бөлісті.

Даниил Чалов, «Ничего Обычного» брендінің негізін қалаушы:

– Бүгін жасауға болатын істі ертеңге қалдыруға болмайды. Біз бұны есімізден шығармаймыз, QJ League те ұмытпайды. Екі жыл бұрын алғашқы мерч коллекциясы, алғашқы ойын формасы жасалды. Бұл идеялар әлі күнге дейін өмір сүріп келеді. Бірақ жаңа дизайндар мен жаңа көзқарастар уақыты келді.

Біз командамен бірге сіздердің жаңа мерч пен экипировкаға арнап дайындаған дизайн нұсқаларыңызды қарап шықтық. Бес фаворитіміз бар екенін айта аламын. Олардың бірі жеңімпаз болады деп сенемін және QJ League-ның жаңа тарихының бір бөлігіне айналады. Баршаңызға сәттілік тілеймін. Өз ісіңізді жасаңыз және арманыңызға сеніңіз.

Гүлзат Смағұлова, Freedom QJ League графикалық дизайнері:

– Жас қазақстандық дизайнерлерге өздерін танытуға мүмкіндік беру біз үшін маңызды болды. Шынымды айтсам, түскен жұмыстардың сапасы мен таланттылығы мені қатты қуантты.

Қатысқандарыңыз үшін баршаңызға алғыс айтамын. Күшті мерч пен форманы бірге жасаймыз деп үміттенемін.

Лейла Балтиева, «Partners» медиа-холдингінің коммерциялық директоры:

– Дарынды жастардың жұмыстарын тамашалағаныма қуаныштымын. Мені қазылар алқасының құрамына шақырғаны үшін Freedom QJ League командасына үлкен рахмет.

Барлық қатысушыларға да алғысымды білдіремін – жұмыстар өте керемет, талантқа толы. Уақыт тауып байқауға қатысқандарыңыз үшін рақмет, баршаңызға сәттілік тілеймін!

Жүлделі орындардың иегерлері жақын арада Лиганың Telegram арнасында өтетін жанкүйерлер арасындағы дауыс беру нәтижесінде анықталады.

Еске салайық, бірінші орынды иеленген автор 500 мың теңге көлеміндегі сыйақыға ие болады. Екінші және үшінші орындарға сәйкесінше 300 және 200 мың теңге қарастырылған. Сонымен қатар, жеңімпаз атанған дизайнер өз жұмысының негізінде шығарылатын мерчке арналған промо-ролик түсіріліміне қатысу мүмкіндігіне ие болады.