Freedom QJ League ойыншыларының қайсысы командалардың негізгі құрамдарына қосылғаны туралы әңгімені жалғастырамыз
«Ақсу» U18
Маусымаралық кезеңдегі басты трансфер Ілияс Әбілдің «Ақсудан» Португалияның жоғарғы лига клубы «Жил Висентеге» ауысуы болуы мүмкін.
Ілияс өткен маусымда QJ League 9 матчында ойнады, 1 гол соғып, 1 ассисті берді, сондай-ақ бірінші лигадағы Павлодар командасының фарм-клубының матчтарына қатысты. Маусым соңында Әбіл негізгі команда сапында нәтижелі дебют жасап - «Қайрат» қақпасына гол соқты.
«Жас Қыран» U18
Алматылық «Хан Тәңірі» «Жас Қыранның» қорғаушысы Данияр Ерланмен келісімшартқа отырды. Өткен QJ League маусымында Ерлан 7 матч өткізіп, 1 гол соқты.
Тағы бірнеше «Жас Қыран» футболшылары «Хан Тәңірі» сапында қаралымнан өтуде. Олар: Әбілқайыр Әлиақбар, Тимур Құрбанов, Хамза Мұхаметәлі және Адам Ғазиев.
Тимур Құрбанов, Хамза Мұхаметәлі және Адам Газиев жыл басында Испанияның «Матадор» академиясында қаралымнан өтті.
Әбілқайыр Әлиақбар өткен маусымды «Қайсар» құрамында бастады, ал жазғы трансферлік терезеде «Жас Қыранға» көшті. QJ League-да барлығы 6 матч өткізді (оның екеуі «құрғақ матч»), 9 допты жіберіп алды.
«Оңтүстік» U18
Шымкенттіктердің шабуылшысы Ерасыл Сәрсенбай туған «Тұранның» негізгі командасына қаралымға аттанды.
Өткен маусымда Сәрсенбай лиганың үздік ойыншыларының бірі болды, 17 матчта Ерасыл 11 гол соғып, 4 гол берді.
«Астана» U18
Өткен маусымның үздік голының авторы Ахметәлі Қалтанов жылды «Астананың» негізгі құрамымен жаттығудан бастады. Қазір ойыншыға Бірінші лига клубтары SD Family және «Хан Тәңірі» таласуда.
Қалтанов QJ League 12 матчында үш гол соғып, бір нәтижелі пас берді.
Нұреділов «Ордада», Испаниядағы қаралым және Кумыков үшін жаңа тіреу: маусымаралық дайджест.
