Төлеухан, Рахметов және басқалар: бірінші айналымнан кейін Fantasy QJ League-те кімдердің бағасы ең көп өсті

Барлық құрамдар қайтадан нөлден жиналуы тиіс – себебі бірінші айналым нәтижелері бойынша көптеген ойыншылардың бағасы өзгерді. Бұл олардың өткен матчтардағы өнеріне байланысты.

Маусымның екінші бөлігіне арналған фэнтези-турнирде ойыншылардың тактикасы мен стратегиясына әсер етуі мүмкін ең қымбаттаған футболшыларды ұсынамыз.

Абылай Төлеухан – 11 Freedom-Coins (+2)

Жартылай қорғаушы, «Қайрат»

Бірінші айналымдағы ұпайы: 109

Турнирдің ең нәтижелі ойыншысы бағасының 11-ге дейін өсуі – таңғаларлық жағдай емес. Ол осылайша командаластары Исмаил Бекболат, Даулет Орынбасар және Азамат Тұяқбаевпен теңесті. 16 жастағы хавбектің еншісінде 10 матчта 12 гол және 6 нәтижелі пас бар.

Руслан Рахметов – 8 Freedom-Coins (+2)

Жартылай қорғаушы, «Ертіс»

Бірінші айналымдағы ұпайы: 61

Рахметовты бастапқыда небәрі 6 Freedom-Coins-қа алу мүмкін еді, ал енді оның бағасы екі монетаға артты. Бірінші турдағы әсерлі ойыны есімізде, бірақ ол тұрақтылық жағынан Төлеуханға жете қоймайды. Дегенмен, ол әлі де гол соғып, көптеп допты алып қою және дриблинг арқылы ұпай әкеліп жүр.

Алмас Рахимбек – 7.5 Freedom-Coins (+1.5)

Жартылай қорғаушы, «Ертіс»

Бірінші айналымдағы ұпайы: 64

Рахметовтың командаласы тұрақты ұпай алып жүр – ол бірде-бір матчты өткізіп алмады, жиі 60 минуттан артық ойнайды және гол мен пас арқылы да көзге түседі. Осы тұрақтылық оның бағасының өсуіне себеп болды.

Матвей Борисов – 6.5 Freedom-Coins (+1.5)

Жартылай қорғаушы, «Атырау»

Бірінші айналымдағы ұпайы: 50

«Мұнайшылардың» жартылай қорғаушысы аса көрнекті болмаса да, үнемі көп жұмыс атқарады – допты жиі тартып алады. Бірнеше матчта гол да соқты, соның ішінде «Қайсар» қақпасына дубль жасаған болатын.

Күдірет Ботабек – 8 Freedom-Coins (+1.5)

Шабуылшы, «Ордабасы»

Бірінші айналымдағы ұпайы: 50

Шымкенттік шабуылшы екі рет Changan MVP of the Season апталық марапатына ұсынылды және екінші турдағы ең әдемі голдың авторы атанды. Сонымен қатар, ол допқа иелік ету мен тартып алу жағынан да белсенді – мысалы, сол екінші турда ол мұны 15 рет істеген. Бұл көрсеткіштер оның бағасына тікелей әсер етті.

Маусым соңында үздік болғысы келетіндер 25 шілде, 17:59-ға дейін (Астана уақытымен) өз құрамын жинап үлгеруі тиіс.

Айта кетейік, «Тобыл» – «Жас Қыран» матчы кейінге шегерілгендіктен, бұл матч үшін фэнтези ұпайлары тек 26 тамыз күні есептеледі. Сол күні тур жеңімпаздары да жарияланады.

Fantasy QJ League-те аптаның үздік құрамын жинаған қатысушыларға COPA.KZ тарапынан 20 000 теңгелік сертификат беріледі. Тіркелу үшін мына сілтемені пайдаланыңыз!