Freedom QJ League қатысушы клубтарына арналған оқыту семинары қалай өтті?

Астанада 18-19 наурызда Freedom QJ League қатысушы клубтарына арналған семинар өтті. Оған 150-ден астам адам қатысты: клуб басшылары, футбол орталықтары мен академияларының менеджерлері мен жаттықтырушылары, сондай-ақ лигаға қатысушы 20 клубтың медиа және маркетингтік қызметтерінің мамандары.

 

Семинардың арнайы қонақтары Freedom Holding сorp. бас атқарушы директоры Тимур Турлов, спорт менеджері Евгений Акманов, журналист және комментатор Дмитрий Нестеренко, ақыл-ой даярлығы бойынша мамандар Қуаныш Абдуалиев пен Тамара Ахметали болды.

 

Бірінші күні клуб өкілдері Лиганың бас демеушісі Freedom Holding сorp. басшысы және Лиганың Қамқоршылық кеңесінің төрағасы Тимур Турловпен кездесіп, өздерін қызықтырған сұрақтарын қоя алды.

 

– «Біздің өткен маусымның басты жетістігі - мыңдаған адамдар жасөспірімдер футболына келе бастады, ол шын мәнінде сәнді және беделді болды. Адамдар жаттығып, дайындала бастады, бізде керемет жарыстар, тамаша матч күндері болды. Жалпы, қоғам мен биліктің Лигаға деген назары пайда болды, бізді жергілікті атқарушы органдар қолдады. Біз көптеген таланттарды көрдік, біздің футболдың болашағы зор және бұл болашақ бұдан да үлкен, жарқын және кәсіби болады!», – Тимур Турлов өз эмоциясымен бөлісті.

 

Түстен кейін QJ League командасы клуб өкілдеріне үш бағыт бойынша дәрістер мен семинарлар өткізді: спорттық аналитика, жарыстарды ұйымдастыру және өткізу, Медиа және маркетинг.

 

– «Маусым алдындағы оқыту QJ League үшін дәстүрлі оқиға болды. Екінші жыл қатарынан біз клуб өкілдерін жинаймыз, оқыту өткіземіз, ережелер мен жаңа регламенттер туралы сөйлесеміз, семинарларымызға қосымша құндылық береміз. 

 

Ең бастысы, бізде клубтар саны, лигалар саны көбейді және екінші маусымда өнер көрсететін клубтар үшін инновациялар пайда болды. Біз жаңа жұмыс орындарын ашып жатырмыз, академия медиа-офицерлер мен маркетологтары пайда болды, осылайша спорт индустриясын төменнен өзгертуге тырысамыз.

 

Бізде керемет маусым болды, енді біз өзімізге қойған жолақты ұстауымыз керек, бәрі ойдағыдай болады деп үміттенемін. Бізде көптеген жоспарлар бар, бірақ біздің басты міндетіміз - футболдан ғана емес, басқа салаларда да QJ League-мен адамдарды таныстыру», – лиганың медиа және маркетинг бөлімінің басшысы Антон Лысяк оқудың бірінші күнін қорытындылады.

 

Оқытудың екінші күні қызметкерлер өз тыңдаушыларымен алмасып, жаттықтырушылар, басшылар, менеджерлер және медиа-маркетинг қызметі арасындағы байланыстың маңыздылығы туралы дәрістер өткізді.

 

Семинарлардың арнайы қонақтары мен шақырылған Қазақстан футбол федерациясы мен QFL өкілдері де өз тәжірибелерімен бөлісті.

 

«Өткен маусым қызықты, әрі қиын болды. Біз не күтетінімізді білмедік, бірақ бәріне барынша қарсылық көрсетуге бейімделдік, біз өзіммізді барлығына таныстырғымыз келген, өзімізді және максимумымызды көрсеткіміз келді. Бұған қол жеткізе білдік деп ойлаймын. Жаңа маусымда «Жас Қыран» екі жас санатында ойнайды, биылғы маусым бұдан да есте қаларлық және жарқын болғанын қалаймыз. Біз үшін QJ League – бұл мүмкіндік, трамплин және перспектива», – деп «Жас Қыран» U-17 командасының бас бапкері Марат Зайнудинов мәлімдеді.